PM:09:27:16/10/2025
1244 جار خوێندراوەتەوە
+
-
لدویف رێککەفتنا هەرێمێ
و بەغدا پێدڤیە مووچەیێ هەیڤا هەشت یێ هەرێمێ دگەل مووچەیێ هەیڤا ١٠یێ عێراقێ
بهێتە خەرجکرن، لێ پارتی و یەکێتی چەندین میدیا و سازی و پەرپرسێن خۆ راسپاردینە
رۆژانە داخۆیانیێن نەراست دەربارەی هاتنا مووچەی بەلاڤبکەن هەردووک ژی ژبەر سوزێن
خۆ یێن نەراست د هەلبژارتنا بووری دا لهەمبەر خەلکی د ئیحراجیەکا مەزن دانە.
ئەڤرۆ پێنجشەمبی،
نووچەگەهانێ ئێن ئاڕ تی راگەهاند، حکومەتا دەم بسەرڤەچووی رادەستکرنا داهاتێ ناڤخۆ
گیرو دکەت و تا وی دەمێ وەزارەتا داراییا عێراقێ دەست ب خەرجکرنا مووچەیێ هەیڤا
١٠یێ عێراقێ دکەت، ئانکو حکومەتا دەم بسەرڤەچووی ل پشتی ٢٠ـی هەیڤێ دێ ١٢٠ ملیاران
رادەست کەت، ب ڤێ ژی عێراق د دەمێ ١٠ رۆژان دا بتنێ دێ ئێک مووچەی بۆ هەرێمێ
خەرجکەت کو ئەوژی دێ مووچەیێ هەیڤا هەشت بیت.
لدویف رێککەفتنا هەرێمێ
و بەغدا پێدڤیە مووچەیێ هەیڤا هەشت یێ هەرێمێ دگەل مووچەیێ هەیڤا ١٠یێ عێراقێ
بهێتە خەرجکرن.
هەڤدەم دەستهەلاتێ میدیایێن
خۆ راسپاردینە رۆژانە داخۆیانیێن نەراست دەربارەی هاتنا مووچەی بەلاڤبکەن هەردووک
ژی ژبەر سوزێن خۆ یێن نەراست د هەلبژارتنا بووری دا لهەمبەر خەلکی د ئیحراجیەکا
مەزن دانە.
پارت و یەکێتی دڤێت تنێ دەمێ
هەلبژارتنێ ئێک مووچەی بدەن.
لێ ئەڤ هەلبژارتنا ١١ی
١١ ئێکلایکریە بۆ مووچەخۆران و دەستهەلاتێ پێدڤیە خەلک پشکداریێ د دەنگدانێ دا بکەن
و رێگربن پارتی و یەکێتی جارەکا دی ببنە نوینەرێن کوردان.