AM:10:06:16/10/2025
180 جار خوێندراوەتەوە
+
-
١٦ی
ئۆکتۆبەرا ٢٠١٧ ژ ئەنجامێ رێفراندومێ سەرهلدا و ژبەر وێیەکێ کوردستانێ زێدەتری
نیڤا ئاخاخۆ ژدەست دا و تانکێن عێراقێ ل باشورێ کەرکوکێ هێرشکرە سەر سەنگەرێن
پێشمەرگەی و کێمتری ٢٤ دەمژمێران کۆنترۆلکرن و نێزیکا ١٠٠ پێشمەرگەیان دانە کوشتن
و شەهیدبوون و بەرپرسێن پارتی و یەکێتی بەرەڤ هەولێر و سلێمانێی رەڤین کو بەری نها
د گوتن تا داوی دلوپا خۆینێ دێ بەرەڤانیێ کەین.
ئەڤرۆ پێنجشەمبی، زێدەتری هەشت سالان بسەر ژدەست دانا کەرکوکێ دەربازدنب ژلایێ هەردوو حزبێن
دەستهەلاتدار ڤە، کو نێزیکی ٢٠ رۆژان بەری بوویەرێن ١٦ ئۆکتۆبەرێ، مەسعود بارزانی سەرۆکێ
پارتی و هەمی حزبێن دیێن هەرێمێ رێفراندوم کرن و دەنگ ب بەلێ دان، بتنێ شاسوار
عەبدولواحید سەرۆکێ ڤەلڤینا نەوەی نوێ نەبیت کو گوت، " رێفراندوم د ڤی دەمی
دا دێ ئەنجامێن خراب لدویف خۆ ئینیت و بۆ دروستکرنا دەولەتێ نینە.
١٦ی
ئۆکتۆبەر و رەنگڤەدانا رێفراندومێ
بەرپرسێن پارتی
و یەکێتی و حزبێن دی بێی گوهدانا هشیاریا ئەمریکا و وەلاتێن دەڤەرێ و خاندنا راست
یا سیاسیا دەڤەرێ و جیهانێ رێفراندوم کرن و ئەنجامێ وێ ژی ل ١٦ی ئۆکتۆبەرێ رەنگڤە دا
و عێراقێ هێرش دەستپێکر و ژبەر وێیەکێ کوردستانێ ٥١٪ ژ ئاخا خۆ ژدەست دا.
ئۆپەرازسیۆنا
سەپاندنا ئاسایشێ ل کەرکوکێ
ل بەرێ
سپێدا ١٦ ئۆکتۆبەرا ٢٠١٧، ئارتێشا عێراقێ و حەشدا شەعبی ل باشور و رۆژئاڤایێ
کەرکوک و باژێرۆکێ خۆرماتوو، داقوق نێزیک حەویجە هێرشکرنە سەر سەنگەرێن پێشمەرگەی
و ناڤێ هێرشێ کرنە"سەپاندنا ئاسایشێ ل کەرکوکێ".
ئەو دەڤەرێن
راستەوخۆ کۆنترۆل کرین
ژ ئەنجامێ
هیرشێن ئارتێشا عێراقێ و سەربازگەها کەی وان و بالەفڕخانەیا سەربازیا کەرکۆکێ دگەل
ناحیا لەیلان و چەند سەربازگەهێن دی و باژێرێ خورماتوو هاتنە کۆنترۆلکرن.
کی بوون
ئەوێن رادەستکرنا کەرکوکێ ئیمزا کرین؟
زێدەباری شەهیدبوونا
نێزیکی ١٠٠ پێشمەرگەیان، لێ فەرماندە و بەرپرس رەڤین، تا وی رادەی پێشمەرگە و فەوج
و لیوایێن خۆ بێ هایداریا وان بجهـ هێلان. وی دەمی بافل تالەبانی ئاشکرا کر، کو ب
هایداریا سەرکردایەتیا یەکێتی رێککەفتن دگەل هێزێن عێراقێ کرینە، هەڤدەم پارتی ژی
ل ١٧ ئۆکتۆبەرێ شنگال و مەخمور و گویڕ خۆ ڤەکێشا.
دەرئەنجامێن
رەڤینا پارتی و یەکێتی
ب رەڤینا
بەرپرسێن پارتی و یەکێتی کو بەری هنگێ د گوتن، تا داوی دلۆپا خۆینا خۆ دێ
بەرەڤانیێ کەین، لێ یاسایێن شەری تێکچوون و پێشمەرگە هەتا نێزیکی هەولێرێ ژ باکورێ
رۆژهەلاتی ڤە ڤەگەریا بۆ نێزیکی هێلا ٣٦ کو بەری نها ب بڕیارا نەتەوێن هەڤگرتی بۆ
پاراستنا هەرێمێ هاتبوو دیارکرن، ب ڤێژی سنورێ هەرێما کوردستانێ کو بەری
رێفراندومێ گەهشتبوو چیایێ حەمرین ڤە گەریا بۆ سنورێن سەرهلدانا ١٩٩١ و پتریا ئاخا
خۆ کو ٥١٪ بۆ کەفتە بن کۆنترۆلا حکومەتا عێراقێ.
شکەستنا
ژدەستدانا ٥١٪ ژ ئاخا کوردستانێ
ژدەستدانا
سەدێ ٥١ یا ئاخا هەرێما کوردستانێ شکەستنەکا مەزن بوو ب تایبەت پشتی وێیەکێ کو
شیابوون ل شەرێ دژی داعش دا کونترۆل بکەن، پێشمەرگە ببوو هژمارەکا کارتێکەر ل دەڤەرێ،
لێ ژبەر نە خواندنا راستیا سیاسی ب چاڤ گرتنەکێ نیڤا ئاخا پیرۆزا کوردستانێ هاتە
فروتن.