PM:02:53:15/10/2025
304 جار خوێندراوەتەوە
+
-
وەفدەکێ یونامی سەرەدانا
ئۆفیسا نەوەی نوێ کر و بەحسێ پرسا زیندانکرنا سەرۆکێ ڤەلڤینا نەوەی نوێ و ئەو
پێشێلکاریێن ژلایێ هەردوو حزبێن دەستهەلاتێ ڤە هەمبەری نەوەی نوێ دهێنەکرن کر.
ئەڤرۆ چارشەمبی، وەفدەکێ
یونامی ب سەرۆکاتیا موتسی مورنیارادزی، بەرپرسێ کاروبارێن سیاسیێن یونامی ل هەرێمێ
سەرەدانا ئۆفیسا نەوەی نوێ کر و ژلایێ کاوە عەبدولقادر، سەرۆکێ لیستا نەوەی نوێ ل
هەولێر پێشوازی لێ هاتەکرن.
د رووینشتنێ دا پرسا
زیندانکرنا سەرۆکێ شاسوار عەبدولواحید سەرۆکێ ڤەلڤینا نەوەی نوێ و ئەو پێشێلکاریێن
ژلایێ هەردوو حزبێن دەستهەلاتێ ڤە هەمبەری نەوەی نوێ دهێنەکرن ل دەستپێکا بانگەشەیا
هەلبژارتنا پەرلەمانێ عێراقێ تا نها هاتنە بەحسکرن.
بەحسێ وێیەکێ ژی هاتەکرن،
کو دۆسیا سەرۆکێ ڤەلڤینا نەوەی نوێ ب تەمامی سیاسیە و چ بنەمایێن یاسایی نینە، لێ
دەستهەلات دادگەهان بکاردئینیت بۆ تەپەسەرکرنا نەیارێن وان خۆ یێن سیاسی.
ئاماژە ب وێ یەکێ ژیکر،
زینداکرنا شاسوار عەبدولواحید د ڤی دەمی دا و درۆستکرنا دۆسیێن بێ بنەما نیشانا
ترسا دەستهەلاتێ یە ل نەوەی نوێ، چونکی دزانن ڤەلڤینا نەوەی نوێ پەشتەڤانیا
بەرفرەهـ یا خەلکی هەیە و تێگەهشتنە کو سەرۆکێ ڤەلڤینا بخۆ چەندی کاریگەرە و ب
مەترسیا جددی دزانن لسەر بەرژەوەندیێن حزبی و هەردووبنەمالەیان.