PM:03:08:04/10/2025
364 جار خوێندراوەتەوە
+
-
رۆژا ١١ـێ ١١
دووەم هەلبژارتنا پەرلەمانێ عێراقێ دێ برێڤەچیت و نەوەی نوێ ب لیستا ژمارە ٢٨٨ ب
دروشمێ دەستەهەلات ئەڤجارە ژی درەوان دکەت دێ روویبرووی پارتی و یەکێتی بیت،
هەروەسا هەر ئێک ل ژ سەرۆک لیستێن نەوەی نوێ ل دهۆکێ و هەولێرێ و سلێمانیێ و موسل
و کەرکوک سۆز ئاراستە وەلاتیان کرن.
ئەڤرۆ شەمبی،
سلێمان موسا، سەرۆکی لیستا نەوەی نوێ ل دهۆکێ، دبێژیت، ل رێکا حکومەتا عێراقێ دێ
ئاریشەیان چارەسەر کرین و ب رێکا تەوتینا مووچەی ل پەرلەمانێ عێراقێ دێ ئاریشەیا
مووچەی چارەسەر کەین، هەوەرسا گوت ژی، پێدڤیە خەلکێ بەهدینان دەنگ ب هێزەکا نوی
بدەن کو نەوەی نوێ یە بۆ ڤەگەراندنا مافێن وان ل رێکا پەرلەمانێ عێراقێ.
هەروەسا
ئیسماعیل خەسرەو، سەرۆکێ لیستا نەوەی نوێ ل مووسل گوت، خەلکێ ڤێ دەڤەرێ قوربانی
داینە لێ هاتینە پشتگوهـ هاڤێتن.
هەڤدەم، سروە
عەبدولواحید، سەرۆکا لیستا نەوەی نوێ ل سلێمانیێ گوت، ل حکومەتا داهاتی یا عێراقێ
ئاریشەیێن خەلکێ هەرێما کوردستانێ دێ چارسەر کەین و داوی ب ئاریشەیان ئینینن، کاوە
عەبدولقادر، سەرۆکی لیستا نەوەی نوێ ل هەولێرێ گوت، تەوتین و پلە بلند کرن د
پێشینەیا کارێن وان دانە و دێ کار بۆ ژیانەکا ژ هەژی کەن بۆ وەلاتیان.
هەروەسا،
ئومێد محەمەد، سەرۆکێ لیستا نەوەی نوێ ل کەرکوکێ دبێژیت، ئەوا پێدڤی بیت دی بۆ
وەلاتیێن کەرکوکێ کەین وەکی چەوا ل پەرلەمانی یاسایا هەلوەشاندنا بریارا بەعسیان
دەرکر.
هەوا بانگەشەیا
پەرلەمانێ عێرقێ ل هەرێمێ دەستپێکر و لیستا نەوەی نوێ ب ژمارا ٢٨٨ و ب دروشمێ
دەستهەلات ئەڤجارە ژی درەوان دکەت پشکداریا بانگەشەیێ کر.
نەوەی نوێ
سۆز دایە ل رێکا پەرلەمانێ عێراقێ چارەسەریا ئاریشەیێن وەلاتیێن هەرێما کوردستانێ
بکەتن و سۆز دایە ب رێکا تەوتینێ چارەسەریا ئاریشەیا مووچەی بکەت.
نەوەی نوێ
سۆز دایە، سولفەویێن هەڤژینیێ و قەرێن بچویک بۆ وەلاتیان و گازا سپی و سوتەمەنیێ ب
بهایەکێ ئەرزان دابین بکەت.
هەڤدەم،
نەوەی نوێ تاکە هێزە ل دەڤەرێن ڤەقەتیای بەربژێر هەبن و لهەمبەری پارتی و یەکێتی براوستن
و دهێتە پێشبینی کرن ژمارەیا کورسیێن نەوەی نوێ زێدە ببن.