AM:10:09:16/07/2025
744 جار خوێندراوەتەوە
+
-
پەیڤدارێ کۆمەلەیا پیشەسازییا
پەتڕۆلا کوردستانێ (ئەپیکور) دبێژیت، ئەندامێن ئەپیکور ب توندی هێرشێن سەر زەڤیێن
پەتڕۆلێ شەرمزار دکەن، گوت ژی، د چەند حەفتێن بهێت دا هنارتنا پەتڕۆلێ دێ
دەستپێکەت
ئەڤرۆ چارشەمبی، مایلز کاگینز،
پەیڤدارێ کۆمەلەیا پیشەسازییا پەتڕۆلا کوردستانێ (ئەپیکور) بەلاڤکر، د کۆمبوونێن
وان دا دگەل بەغدا و هەرێمێ تەکەزی کریە، بەرهەڤن بۆ هنارتنەڤەیا پەتڕۆلا هەرێمێ،
لێ لدیف وان مەرجێن کو هەنە و دڤی باریدا دگەل بەغدا د گۆتۆبێژاندا نە.
راگەهاند ژی، ئەپیکور
بڕگا ١٢ـێ یا یاسایا بودجەیێ عێراقێ قەبولە و پشتڕاستیێ ددەت ئەگەر رێککەفتن
بهێتەکرن، ب چەند رۆژەکان هنارتنا پەتڕۆلێ دێ دەستپێکەتەڤە.
گوت ژی، پێدڤییە ب نڤیسار پشت
راستی ب مە بهێتە دان و هەمی لایان پالددەین بۆ وێیەکێ ئاریشە بهێنە چارەسەرکرن،
چاڤەرێ دکەین د چەند حەفتیێن بهێت دا هنارتنا پەتڕۆلا هەرێمێ دەستپێبکەتەڤە.
بەحسێ وێیەکێ ژیکر،
ئەندامێن ئەپیکور ب توندی هێرشێن سەر زەڤیێن پەتڕۆلێ شەرمزار دکەن و چاڤەڕیێ
ڤەکۆلینێن حکومەتا عێراقێ نە، کۆمپانی د هەمی رەوشاندا بەردەوامبوون و پێدڤییە
چەوانیا وەرگرتنا شایستەیێن دارایی روونبیت و ئەڤ هێرشە بهێنە راگرتن.