PM:11:28:14/11/2021
4300 جار خوێندراوەتەوە
+
-
وەزارەتا دەرڤە یا
ئەلمانیا ب زمانێ کوردی و عەرەبی و ئینگلیزی پەیامەک بەلاڤکر بۆ کۆچبەرێن سنورێ
بیلاروسیا- پۆلەندا و هەمی وان گوتگوتکان رەتدکەت کو ژڤان هەیە بۆ ڤەگۆهاستنا وەلاتیان بۆ وەلاتێ
وانا.
ئەڤرۆ ئێکشەمبی، وەزارەتا
دەرڤە یا ئەلمانیا ل پێگەهێ خۆیێ فەرمی ل تویتەری ب زمانێ کوردی و عەرەبی و
ئینگلیزی پەیامەک بەلاڤکر و دبێژیت، "ئەو گوتگوتکێن بەحسا وێیەکێ دکەن، کو
ئەلمانیا پاس هنارتینە بۆ ئینانا خەلکی ژ بیلاروسیا ب رێیا پۆلۆنیا راست نینن"،
دبێژن ژی، "ئەوێن ڤان درەوان بەلاڤدکەن خەلکی د ئێخنە مەترسیەکا مەزن".
ئەڤە ددەمەکیدایە، پۆلیسێن پۆلەندا ب زمانێ کوردی و
عەرەبی ڕاگەهاند، "سنورێن پۆلەندا دێ ب گرتی مینن و چ کەس نەشێن بێی بەلگەیێن
یاسای و پێتڤی دگەل دا بن سنورێ پۆلەندا دەربازبکەتن".
سپێدەهیا ئەڤرۆ ژی، پۆلیسێن پۆلەندا
ئاشکراکر، لسەر سنورێ بیلاروسیا و پۆلەندا ٢٢ کۆچبەرێن عێراقێ دەستەسەرکرینە.
