PM:05:45:14/11/2021
1728 جار خوێندراوەتەوە
+
-
رۆپەلێ
روسیا تودەی ڕاگەهاند، پشتی نیڤرۆیا ئەڤرۆ زنجیرەکا ئەردهەژێن بهێز ب رێختەرا ٦ پۆینت ٣، ٦ پۆینت ٣، ٤ پۆینت، ٤ پۆینت، ٣ پۆینت ٩، باژێرێ
هورمزخانێ ئێرانی هەژاند و بوی سەدەمی دوو کەسان ژیانا خۆ ژ دەستدا و هژمارەیا
برینداران و زیانێن مادی ژی هێشتا دیار نینن.
ناڤەندا
ئەردهەژێن زانکۆیا تەهران دەربارەی ئەردهەژان ڕاگەهاند، زنجیرەکا ئەردهەژێن ئێک
لدویف ئێکێ بوون ل پارێزگەها هەرمزخانا باشورێ وەلاتی هەژاندین.
ناڤەندێ
بەحس ل وێیەکێ کر، ئێکەم ئەردهەژ ل دەمژمێر سێ و ٣٧ خولەک روویدایە ب پلەیا ٦.٤ یا
رێختەر و ب کویراتیا ١٥ کیلۆمەتران و پشتی وێیەکێ ئەردهەژەکا دی ب پلەیا ٦.٣
رێختەر پشتی ئێک خولەکێ ژ ئەردهەژا ئێکێ روویدا و پشتی وێ ژی دوو ئەردهەژێن دی ل
دەمژمێر ٤ و ١٠ خولەک و چار و ٢٢ خولەک و روویدان ب پلەیا چار رێختەر و ب کویراتیا
١٠ کیلۆمەتران.
پشتی وانا ژی پێنج
ئەردهەژێن دی ب پلەیێن ٣.٩ و ٣.٦ و ٤.٥ و
٣.٥ رێختەر و چار پلە رێختەر ب
کویراتیا دناڤبەرا ١٠ بۆ ٢٠ کیلۆمەتران دا روویداینە دناڤبەرا دەمژمێر چار و ٤٣ خولەک
بۆ پێنج و ٥٢ خولەک ب دەمێ ئیرانێ.
دەربارەی هژمارا قوربانیێن
زنجیرا ئەردهەژان رۆپەلێ روسیا تودەی بەحسا وێیەکێ کر، هەیا نها هژمارەیا
قوربانیان ب دیارکری نەهاتیە زانین لێ ئەوا هاتیە پشتراستکرن ئەوە کو دوو کەسان
بسەدەمێ ئەردهەژان ژیانا خۆ ژ دەستدایە.
هەڤدەم، ئیبراهیم رەئیسی
سەرۆککۆمارێ ئیسلامیێ ئیرانێ فەرمان دایە ب گرتنابەرا رێیێن پێتڤی بۆ مەرەما
هەڤکاریکرنا زیانڤێکەفتیێن زنجیرا ئەردهەژان.
هەر دەربارەی وێیەکێ
ئاژانسا نووچەییا فارس بەلاڤکریە، بارێ نە ئاسایی ل وان دەڤەرێن ئەردهەژ لێ
دروستبووین کو باشورێ وەلاتیە هاتیە ڕاگەهاندن.