PM:05:20:14/11/2021
2212 جار خوێندراوەتەوە
+
-
وەزارەتا پلاندانانا عێراقێ تەکەزکریە کو مووچەیێ مووچەخۆران و مووچەیێ
تۆڕێن پاراستنا جڤاکی ل پرۆژەیاسایا بودجەیێ ٢٠٢٢ێ گەف لسەر نابیت و لژنەیەک ژی بۆ
گۆتۆبێژکرنا وی بابەتی پێکئینایە.
ئەڤرۆ ئێکشەمبی، ماهر حەماد بریکارێ تەکنیکیێ وەزارەتا پلاندانانێ
ڕاگەهاند، پاشداکەفتنا پرۆژەیاسایا بۆدجەی بۆ چەند سەدەمان ڤەدگەڕیت و
ئەنجامنەدانا روینشتنێن پەرلەمانی ژی ئاریشەیێ بۆ پێشکێشکرن و خاندنێ دروستدکەت.
بەحسا وێیەکێ کر، لژنەیەکا تایبەت پێکئینایە بۆ ئامادەکرنا بودجەی کو ب
رێیا سەرەکیا خۆدا بچیت و بۆ حکومەتا بهێت ئامادەبکەت و خاندن بۆ بهێتە کرن.
ئەوژی دیارکر، یاسایا کارگێریا دارایی ژ وان گۆهڕانکاریێن ڤان داویاندا
هاتینە کرن رێ ب خۆگۆنجاندنێ ددەت ب رەنگەکی بیت ل بن سیبەرا بودجەیێ کارپێکرنێ
بمینیت.
ئاماژە ب وێیەکێ کریە، کو مووچەخۆر و مووچەیێ تۆڕێن پاراستنا جڤاکی ل
پرۆژەیێ بودجەیێ ٢٠٢٢ێ دا گەف لسەر نابیت.
ئەڤە ددەمەکیدایە، ل مەها ئابا ئەڤسالەدا، عەلی عەلاوی وەزیرێ دارایێ عێراقێ
ڕاگەهاند، بودجەیێ دارایێ گشتیێ عێراقێ بۆ سالا ٢٠٢٢ێ کو وەزارەتا دارایی دەست ب
ئامادەکرنێ کریە، دێ بودجەیێ چاکسازی بیت و ژ بودجەیێ سالا دەربازبووی جوداترە.