PM:12:33:27/06/2025
912 جار خوێندراوەتەوە
+
-
شەڤا دەربازبووی کچەکا دی یا ئێزدی هاتە رزگارکرن کو ل
سالا 2014ـێ پشتی کۆنترۆلکرنا شنگال ژلایێ گروپێن چەکدار ڤە هاتبوو رەڤاندن.
نووچەگەهانێ ئێن ئاڕ تی ڕاگەهاند، ل نێزیک دەمژمێر ئێکی
شەڤا دەربازبووی پشتی 11 سالان کچەکا دی یا ئێزدی بناڤێ "دیما ئەمین" یا
21 سالی هاتە ڕزگارکرن.
گوت ژی، ئاکنجیا گوندێ کۆچۆیە ل باشوورێ چیایێ شنگالێ و ل
دەرازینکا سنوریێ ئیبراهیم خەلیل ب کەسوکارێن خۆ شاد بوو.
ئەو یەکژی بەرچاڤکر، دیما ئەمین دگەل هەشت ئەندامێن مالباتا
خۆ ل هەیڤا هەشت ل سالا 2014 ژلایێ تیرۆرستێن
داعشێ ڤە هاتبوو رەڤاندن و بەری نها دایک و خوشکەک و دوو برایێن وێ هاتبوونە ڕزگارکرن.
زەلال ژی کر، تا نها دوو برا و بابێ وێ بێسەروجهن.
ئەڤە د دەمەکئ دایە، سالا 2014ـێ پشتی هێرشا گروپێن
چەکدارێن داعش بۆ سەر شنگال، هژمارەکا زۆر یا کچ و ژنێن ئێزدی کەفتنە بن دەستێ وان
و بەشەکا وان ب ساخی هاتنە بن ئاخ کرن و بەشەکا دی ژی بۆ دەرڤەی شنگال و عێراقێ
هاتنە ڤەگوهاستن و تا نها هژمارەکا زۆر یا وەلاتیێن ئێزدی بێ سەروجهن.