PM:03:12:14/11/2021
688 جار خوێندراوەتەوە
+
-
کادرەکێ پێشکەفتیێ پارتی ڕاگەهاند، ژ ئالیێ پارتی ڤە نابیت ڕەوش هەیا
سالەک یان دوو سالێن دی وەکی نها بمینیت، بەلکو پارتی دێ بەژداریێ د هەڤپەیمانیەکێ
دا کەتن بۆ پێکئینانا حکومەتا داهاتیا عێراقێ، دبێژیت ژی، "پارتی هەر دەم کارکریە
بۆ بداوی ئینانا ئاریشەیان".
عیماد باجەلان کادرێ پێشکەفتیێ پارتی بۆ کەنالێ عەرەبیەیا عێراقی
ڕاگەهاندیە، "پارتی بۆ پێکئینانا حکومەتا نووییا عێراقێ دێ دگەل ئێک ژ هیزان
هەڤپەیمانیێ پێکئینیت"، بێی کو وێ هێزا سیاسی دیاربکەت.
ئاماژە ب وێیەکێ ژی کریە، "پارتی چ جاران بەشەک نەبوویە ژ
پێکئینان یان ژی دوو پێکهاتە، بەلکو هەردەم کارکریە بۆ ب داوی ئینان بئاریشەیان".
بەحسا وێیەکێ ژی کریە، "پارتی
دەمەکێ دیارکری یێ دەستورێ خۆ هەیە و نابیت ڕەوش هەیا سالەک یان دوو یێن دی وەکی
نها بمینیت، بەلکو پارتی دێ بەژداریێ د هەڤپەیمانیەکێ دا کەت بۆ پێکئینانا حکومەتا
نویا عێراقێ وەکی حکومەتەکا نشیتمانیا بهێز دروستبکەت".
پارتی؛ د هەلبژارتنێن بەروەختێن عێراقێ دا شیا ٣٢ کورسیان بدەستڤە
بینیت، هەرچەندە بەردەوام ئەو حزبە بەحسا ئێک رێزیا کوردان دکەت ل بەغدا، لێ
بەروڤاژی دروشمێن خۆ د چەند رۆژێن دەربازبووی دا وەکی ئێکەم ئالیێ کورد شاندەکێ بلند ب تنێ و ب سەرۆکایەتیا هۆشیار زێباری
شاندە بەغدا هەیا کو گۆتۆبێژان ژبوی پێکئینانا حکومەتا داهاتیا عێراقێ بکەت و دگەل
زۆربەیا هێزێن سیاسی یێن عێراقێ جڤیا.