PM:02:54:14/11/2021
7404 جار خوێندراوەتەوە
+
-
پۆلیسێن پۆلەندا ب زمانێ کوردی کۆچبەرێن لسەر سنورێ هایداردکەت و
دبێژیت، "سنور دێ ب گرتی مینن".
پۆلیسێن پۆلەندا ب رێکا بلندگوویا و لسەر سنورێ وی وەلاتی دگەل
بیلاروسیا ب زمانێ کوردی و عەرەبی کۆچبەران هایداردکەت.
پۆلیسێن پۆلەندا دبێژن، "سنورێن پۆلەندا دێ ب گرتی مینن و چ کەس
نەشێن بێی وێیەکێ بەلگەیێن یاسای و پێتڤی دگەل دا بن سنورێ
پۆلەندا دەربازبکەتن".
ئاماژە ب وێیەکێ ژی کریە، "حکومەتا بیلاروسیا هەوە بکاردئینیت و
دڤێت داخازێ ژ بیلاروسیا بکەن کو هەوە ڤەگەرین وەلاتێ هەوە".
بەریا نها ژی، پۆلیسێن پۆلەەندا گوتن، ژ ئالیێ بیلاروسیا ڤە کۆچبەر
دهێنە پالدان کو سنورێ وەلاتێ وان نە بەزینن، دبێژیت ژی، "ئەم ئامادەینە بۆ بەرسڤدان
و پاراستنا سنورێ وەلاتێ خۆ".
سپێدەهیا ئەڤرۆ ژی، پۆلیسێن پۆلەندا ئاشکراکر، لسەر سنورێ بیلاروسیا و
پۆلەندا ٢٢ کۆچبەرێن عێراقێ دەستەسەرکرینە.
ماوەیەکە دیاردەیا کۆچا وەلاتیێن هەرێم و عێراقێ
بۆ بیلاروسیا و پشترە بۆ وەلاتێن ئەورۆپا دەستپێکریە، ب وێ سەدەمێ ژی پۆلەندا ژمارەیەکا
سەربازێن لسەر سنورێ زیدەکریە و دوهی ژی سەربازەکێ پۆلەندا لسەر سنوری ژیانا خۆ ژ
دەەستدا.
ئەو کۆچبەرێن بەحسا وان دهێتەکرن، بسەدەما
دژواریا ژیانێ و نەبوونا دەرفەتێن کاری و دامەزراندن و خرابیا ڕەوشا ئابووری و کەفتنا
پتریا کەرتێن ژیانێ بەرەڤ وەلاتی هاتیە و ئەو رێک ژی دژوارکرینە.
کۆچا ڤێ جارێ یا وەلاتیێن هەرێمێ جودایە و ب
زارۆک و گەنج و پیر و ژن ڤە لسەر سنورێ بیلاروسیانە، د چەند رۆژێن دەربازبووی ژی
دا زارۆک و سنێلەیەکێ ١٤ سالی بسەدەما سەرمایێ لسەر هەمان سنور گیانێ خۆ ژ دەستدا.
کارزان عەلی سنورێ پۆلەەندا و بیلاروسیا