PM:02:45:14/11/2021
1412 جار خوێندراوەتەوە
+
-
پۆلیسێن پۆلەندا ڕاگەهاند، ژ ئالیێ بیلاروسیا
ڤە کۆچبەر دهێنە پالدان سورێ وەلاتێ مە ببەزینن، دبێژیت ژی، "ئامادەی
بەرسڤدانێ نە ژبوی پاراستنا سنورێن وەلاتێ خۆ".
پۆلیسێن پۆلەندا بەلاڤکرینە، پشتی وێیەکێ ل
شەڤا دەربازبووی لسەر سنوران ب ئارامی و بێی ئاریشە دەربازبووی د نها دا لڤینێن نەئاسای
دناڤ کۆچبەرێن لسەر سنورێ بیلاروسا دەستپێکریە.
ئاماژە ب وێیەکێ کر، هەژمارەکا ئەفسەر و سەربازێن بیلاروسیا و
ترۆمبێلێن پەخشێ تەلەفزیۆنی هاتنە ئامادەکرن و کۆچبەران پالددەن سنورێ پۆلەندا
ببەزینن.
هەڤدەم، تیما ئێن ئاڕ تی ژی لسەر سنورێ بیلاروسیا
و پۆلەندا گوت، بیلاروسیا فشارێ ل کۆچبەران دکەت هێرشێ بکەنە سەر سنورێ پۆلەندا.
ژئالیێ خۆڤە ژی، حکومکەتا پۆلەندا ئامادەییا خۆ دیارکریە بۆ بەرسڤدان و
پاراستنا سنورێن خۆ.
سپێدەهیا ئەڤرۆ، پۆلیسێن پۆلەندا گوتن، لسەر
سنورێ پۆلەندا و بیلاروسیا ٢٢ کۆچبەرێن عێراقی هاتنە دەستەسەرکرن.
ماوەیەکە دیاردەیا کۆچا وەلاتیێن هەرێم و عێراقێ
بۆ بیلاروسیا و پشترە بۆ وەلاتێن ئەورۆپا دەستپێکریە، ب وێ سەدەمێ ژی پۆلەندا ژمارەیەکا
سەربازێن لسەر سنورێ زیدەکریە و دوهی ژی سەربازەکێ پۆلەندا لسەر سنوری ژیانا خۆ ژ
دەەستدا.
ئەو کۆچبەرێن بەحسا وان دهێتەکرن، بسەدەما
دژواریا ژیانێ و نەبوونا دەرفەتێن کاری و دامەزراندن و خرابیا ڕەوشا ئابووری و کەفتنا
پتریا کەرتێن ژیانێ بەرەڤ وەلاتی هاتیە و ئەو رێک ژی دژوارکرینە.
کۆچا ڤێ جارێ یا وەلاتیێن هەرێمێ جودایە و ب
زارۆک و گەنج و پیر و ژن ڤە لسەر سنورێ بیلاروسیانە، د چەند رۆژێن دەربازبووی ژی
دا زارۆک و سنێلەیەکێ ١٤ سالی بسەدەما سەرمایێ لسەر هەمان سنور گیانێ خۆ ژ دەستدا.