PM:02:35:14/11/2021
668 جار خوێندراوەتەوە
+
-
باژێرڤانیا سلێمانیێ رێگریێ دکەت لسەر وێیەکێ
نەوەی نوێ رێکا سەرەکیا بەشەک ژ تاخێن
سلێمانیێ نوژەن بکەت و هایداریا وێیەکێ دانێ ئەگەر وی جهی بجی نەهێلن هێزێ دژی
تیما وان بکاربینن.
ئەڤرۆ ئێکشەمبی، تیما ئەندازیاریا ڤەلڤینا
نەوەی نوێ د دەمەکێ دا مژیلی نوژەنکرنا رێکێن سەرەکی یێن باژێرێ سلێمانیێ بوون ژ
ئالیێ باژێرڤانیا سلێمانیێ ڤە رێگری لێ هاتەکرن وان رێکا نوژەن بکەتن.
هیمداد شاهین پەیڤدارێ ڤەلڤینا نەوەی
نوێ بۆ ئێن ئاڕ تی ڕاگەهاند، "د دەمەکێ
دا ئاڤا بارانێ ل ڤی دەڤەرێ کۆمدبوو و رێکا هاتن و چوونێ ژکارئێخستبوو، تیما مەیا
ئەندازیاری شیان رێکەکێ بۆ ئاڤێ ڤەکەن و ئاریشەیا ئاڤێ چارەسەربکەن".
گوت ژی، ئەڤرۆ ئێکشەمبی، تیم هاتیە بۆ وی جهی
و لبەربوون رێکێ ب تەمامی ڤەکەن و چارەسەربکەن و ریرەوەکا تایبەت دوێ دەڤەرێ دا
دروستبکەن لێ ژ ئالیێ باژێرڤانیا سلێمانیێ ڤە رێگری ل وێ تیمێ هاتە کرن".
هیمداد شاهین ئاماژە ب وێیەکێ ژی کر، "بەرپرسێن باژێرڤانیێ داخاز لوان
کریە وی جهی بجی بهێلن و گوتینە ئەگەر هوین نەچن دێ ب هێزێ هەوە ژ دەڤەرێ
دەرێخین".
پەیڤدارێ ڤەلڤینا نەوەی نوێ گوت ژی، "مە
دڤێت خزمەتێ بکەین لێ ناهێلن، خەلک بئاوایەکێ گەلەک باش پێشوازیێ ل تیمێن مە دکەتو دەستخۆشیێ ل مە دکەت".
ئەڤە د دەمەکی دایە، بسەدەما کۆمبوونا ئاڤا
بارانێ لسەر رێکا سەرەکی یا قرگە کو رێکا هاتن و چوونا چەندین تاخایە و چەند
دامەزراوەیێن حکومەت و قوتابخانە لسەر وێ رێکێ هاتن وچوونێ دکەن و ژ کار کەفتبوو و
تیما ئەندازیاریا نەوەی نوێ رێرەوەک بۆ ئاڤێ ڤەکرن و شیان ئاریشەیێ چارەسەربکەن و
ئەڤرۆ ژی تیم چوونە وی جهی بۆ وێیەکێ ب
تەمامی ئاریشەیێ چارەسەربکەن و رێرەوەکێ بۆئاڤێ دروستبکەن لێ بەشەک ژ بەرپرسان رێگری ل وان کر.