PM:12:51:14/11/2021
2708 جار خوێندراوەتەوە
+
-
ئەڤرۆ پرۆسەیا دەنگدانێ لسەر هەردوو بەربژێرێن ناحیێن سەرسنک و کانی
ماسێ ل جڤاتا پارێزگەها دهۆکێ برێڤەچوو و تێدا ب زۆرینەیا دەنگدان دوو رێڤەبەرێن
نوی دەست بکاربوون.
نووچەگەهانێ ئێن ئاڕ تی ل دهۆکێ ڕاگەهاند، ئەڤرۆ ل جڤاتا پاریزگەها
دهۆکێ پرۆسەیا دەنگدانێ دەربارەی گوهۆرینا دوو رێڤەبەرێن ناحیان ل سنورێ وێ
پارێزگەهێ برێڤەچوو و تێدا ناڤێن دوو بەربژێران ب زۆرینەیا دەنگان هاتن پەسەنکرن.
ئاماژە ب وێیەکێ ژی کر، رێبەر سالح ٢٠ دەنگێن جڤاتا پارێزگەها دهۆکێ
بدەستڤە ئینان و وەکی رێڤەبەرێ ناحیا سەرسنکێ هاتە هەلبژارتن. هەڤدەم، سالح حەمدی ژی
٢١ دەنگ بدەستڤە ئینان و وەکی رێڤەبەرێ ناحیا کانی ماسێ هاتە هەلبژارتن.
دیار ژی کر، ئەندامێن هەر ئێک ژ حزبا گۆران و یەکێتی و یەکگرتوو دەنگ
ب بەربژێرێن پارتی نەدان.
ئەڤە د دەمەکی دایە، جڤاتا پارێزگەها دهۆکێ ژ ٢٨ ئەندامان پێکدهێت،
ژوانا ژی سێ ئەندام یەکگرتوونە، دوو یەکێتی نە، ئێک ژی گۆرانە، سێ ژی پێکهاتەنە و
١٩یێن دی ژی پارتی نە.
تائیف گۆران، دهۆک