AM:11:14:14/11/2021
692 جار خوێندراوەتەوە
+
-
مەلا بەختیار ئەندامێ جڤاتا بلندا
بەرژەوەندیێن یەکێتی د کۆنفڕانسەکێ رۆژنامەڤانیدا ڕاگەهاند، "ب ڕاستگویانە
دبێژم ژناڤ یەکێتی نشتیمانی کوردستان ژەهر ب من هاتەدان".
ئەڤرۆ ئێکشەمبێ، مەلا بەختیار ئەندامێ جڤاتا
بلندا سیاسی و بەرژەوەندینێن یەکێتی د دەمێ ئەنجامدانا کۆنفڕانسەکێ رۆژنامەڤانیدا
پشتی ڤەگەریانێ ژ ئەلمانیا ژ چارەسەرکرنێ
ئاماژە ب وێیەکێ کر، "سێ مەهان بەریا بوویەرێن ٨ی تەمووزێ زانیاری گەهشتینە
دەستێ من کو ژ ئالیێ دەزگەهێ زانیاری ڤە هاتمە ژەهرخوارکرن".
زەلالژی کر، "ئەوی ژێدەرێ ئەز لسەر
ژەهرخارکرنێ هایدارکریم ئەز ڕاسپاردم کو حەسەن نوری هایداربکەم کو هایداری خۆ
بیت".
د بەشەکێ دی یێ کۆنفڕانسی دا مەلا بەختیار
ئاماژە ب وێیەکێ کر، دنها دا ئەوا بسەر یەکێتی دا ئیناین ژ ژەهرخارکرنێ
مەترسیدارترە.
گوت ژی، "مەترسی د وێیەکێ دا یە
بەرپرسەکی پشتی کۆنفڕانسێ چارێ یێ یەکێتی باوەریا ڕایا گشی لهەمبەر یەکێتی ژ
دەستادایە".
ئاماژە ب وێیەکێ کر، "دڤێ هەلبژارتنێ دا
یەکێتی نێزیکی ٣٠٠ هزار دەنگێن خۆ ژ دەستدان و باوەری ب یەکێتی نەماینە".
مەلا بەختیار د کۆنفڕانسا خۆ یا
رۆژنامەڤانیدا دۆکیۆمێنتی نەخۆشخانەیەکا ئەلمانیا ب زمانێ ئەلمانی نیشا کامیرەیێن
میداکاران دا و گوت، "ئەڤە بەلگەیێ ژەهرخارکرنا مەنە ل ئێک ژ نەخۆشخانەیێن
بناڤ و دەنگێن ئەلمانیا".
دبێژیت ژی، "دنها دا ئەز کەسێ تۆهمەتبار ناکەم، ئەو کارە دڤێت ژ
ئالیێ دادگەهێ ڤە ڤەکۆلین لسەر بهێتەکرن".
د دەمێ دەربازبووی دا، مەلا بەختیار بزاڤێن
ژەهرخارکرنا خۆ بەلاڤکرن و پشترە چوو ئەلمانیا بۆ وەرگرتنا چارەسەریێ و دوهی ژی
ڤەگەریا سلێمانیێ و گوت، ئەنجامێن هەلبژارتنان درەخستینە سەرکردەیێ بەشەک ژ حزبان
چەند ب نەزانی هزردکەن.
بوچوونەک وەسا دبینە، ئەوێن دەربارەی ژەهرخارکرنا
بەشەک ژ سەرکردەیێن یەکێتی دبێژیت، بتنێ دەنگو و ئاخفتنێن میدیای و کەسێن سیاسی نە
و هەیا نها چ بەلگەیەکێ نوژداری یێ سەلماندی بۆ وێ مەرەمێ دیارنەکرینە.