AM:11:11:14/11/2021
652 جار خوێندراوەتەوە
+
-
سوبەهی ب بەشداریا ٣٠ وەلاتێن جیهانێ و
ئامادەکرنا ٩٤ فلمان هەشتەمین فلمە فێستیڤاڵا دهۆکێ بڕێڤەبچیت و دێ بۆ ماوێ حەفت
رۆژان بەردەوام بیت.
نووچەگەهانێ ئێن ئاڕ تی دیارکر، بڕیارە سوبەهی
دووشەمبی ١٥ی ١١ی ٢٠٢١ێ هەشتەمین فلەمە فێستیڤاڵا دهۆک یا نیڤدەولەتی ب بەژداریا
٣٠ وەلاتێن جیهانێ و ٩٤ فلمێن ناڤخۆی و بیانی برێڤەبچیت. گوت ژی، دێ بۆ دەما حەفت
رۆژان ل هۆلا کۆنفڕانسان ل زانکۆیا دهۆک بەردەوام بیت.
ئاماژە ب وێیەکێ ژی کر، ژ کوما فلمان ٤٥
فلمێن کوردی نە و ٤٩ فلمێن دی ژی بیانی نە، هەڤدەم گوت ژی، لدیڤ کارنامەیا
هەشتەمین فلمە فێستیڤاڵا دهۆکێ بۆ ئەڤ
سالە گرنگی ب ژینگەهێ دهێتەدان.
لگۆر زانیاریێن نووچەگەهانێ ئێن ئاڕ تی، بەشەک ژ وان فلمێن د فێستیڤاڵا دهۆکێ دا
بەژدارن بۆ جارا ئێکێ یە لسەر ئاستێ جیهانێ دهێنە نیشاندان و هەڤرکیێ لسەر بدەستڤە
ئینانا خەلاتێ باشترین فیلم دکەن.
ئەڤە د دەمەکی دایە، هەرچەندە بریاربوو ١١ی مەها
دەربازبووی فلمە فێستیڤاڵا دهۆکێ برێڤەچووبا لێ ژبەر چەند سەدەمێن تەکینکی بۆ
ناڤەڕاستا ڤێ مەهێ هاتبوو پاشخستن.
سەباح سۆفی، دهۆک