AM:09:14:14/11/2021
1360 جار خوێندراوەتەوە
+
-
وەزارەتا کۆچ و کۆچبەرێن عێراقێ ڕاگەهاند،
"رێکارێن فەرمی تەمامکرینە بۆ ڤەگەراندنا وان کۆچبەرێن دخۆزان ڤەگەرنە عێراقێ
کو لسەر سنورێ بیلاروسیا ئاسێ ماینە".
کەریم نوری بریکارێ وەزارەتا کۆچ و کۆچبەرێن
عێراقێ بۆ ئاژانسا نووچەیێن عێراقێ ڕاگەهاند، "د ٤٨ دەمژمێرێن داهاتی دا
گەشتەکا ئەسمانی ژ باژێرێ مێنسکا پایتەختێ بیلاروسیا بەرەڤ بەغدا دێ هێتە
ئەنجامدان بۆ ڤەگەراندانا وان کۆچبەرێن دخوازن ڤەگەرنەە عێراقێ کو لسەر سنورێ
بیلاروسیا و پۆلەندا ئاسێ ماینە".
گوت ژی، "وەزارەتا کۆچ و کۆچبەرێن
عێراقێ هەر دگەل دروستبوونا ئاریشەیێ ل وی سنوری ب هویری دیڤچوون بۆ ئەوێ دۆسەیێ
کریە و وەکی نیازپاپقژی لهەمبەر ئەورۆپا هەر زووی حکومەتا عێراقێ بڕیارا ڕاگرتنا
گەشتێن خۆ بۆ بیلاروسیا دا".
بریکارێ وەزارەتا کۆچ و کۆچبەرێن عێراقێ
زەلالژی کریە پێلا کۆچا وەلاتیێن عێراقێ بۆ بیلاروسیا ب رێکا وان وەلاتان ئەنجام
ددەت کو هەڤسنورن دگەل وی وەلاتی و سنورێ دناڤبەرا وەلاتێن دناڤبەرا لیتوانیا و
لاتیفیا و بیلاروسیا دگەل پۆلەندا بۆ ٦٠٠ کێلۆمەتران درێژدبیت و داخازێ ژهێزێن ئەولەهیا وی وەلاتی دکەن مو سنورێ خۆ توند بکەن و رێکێ ب کۆچا نە
یاسای نەدەن.
کەریم نوری تەکەز ل وێیەکێ ژی کر،
"وەزرەتا گەهاندنا عێراقێ گەهشتە مۆسکۆ و لڤین و جڤین د وێ دەربارەیێ دا
دەستپێکرینە و د ٤٨ دەمژمێرێن داهاتی دا گەشتەکا ئەسمانی ژ بیلاروسیا بۆ عێراقێ
دێ هێتە ئەنجامدان بۆ ڤەگەراندنا وان
کۆچبەرێن دخوازن ڤەگەرنە عێراقێ ئەوێن کۆ ئاسێ ماینە".
ئاماژە ب وێیەکێ ژی کریە، کو ئەو نەشێن زۆریێ
ل کۆچبەرێن عێراقێ بکەن ژبوی وێیەکێڤەگەرن ئەو کارە دڤێت ب حەزا وان بیت.
داخاز ژی ژ وان وەلاتان کریە ئەوێن کۆچبەر
تێدا ئاسێ ماینە ب ئاوایەکێ مرۆڤی سەرەدەریێ دگەل وان دا بکەن و هەر کۆچبەرەکێ
پاسپۆرت دگەل دا نینە نڤێسارا ڤەگەریانێ بدەنێ".
گوت ژی، "مە داخاز ژ ئیرانێ ژی کریە، مافێ
گەشتکرنێ نەدەنە وەلاتیێن عێراقێ بۆ گەشتکرنێ بۆ بیلاروسیا".