AM:08:54:14/11/2021
1184 جار خوێندراوەتەوە
+
-
سوپایێ پۆلەندا ڕاگەهاند، سەربازەکێ پۆلەندا
لسەر سنورێ پۆلەندا و بیلاروسیا گولەیەک ژ
دەستێ وی دەرکەفت و بەر وی بخۆ کەفت ب وێ سەدەمێ ژیانا خۆ ژ دەستدا.
سوپایێ پۆلەندا ڕاگەهاند، سەربازەکێ وان لسەر
سنورێ بیلاروسیا ژیانا خۆ ژ دەستدایە، دبێژیت ژی، ئەو سەربازە حەفتیا دەربازبووی
بۆ سەر سنوری هاتبوو ڤەگۆهاستن.
ئاماژە ب وێیەکێ ژی کر، لگۆرەی ڤەکۆلینێن
دەستپێکی سەربازی د بوویەرەکێ دا وی بخۆ ب خەلەتیڤە تەقەکریە و بەر وی بخۆ کەفتیە،
بێی کو کەسەکێ دی دەست د تەقەکرنا وی دا
هەبیت.
ماوەیەکە دیاردەیا کۆچا وەلاتیێن هەرێمێ بۆ
بیلاروسیا و پشترە بۆ پۆلەندا و وەلاتێن ئەورۆپا دەستپێکریە، ب وێ سەدەمێ ژی پۆلەندا هەژمارەکا سەربازان لسەر سنوران
زێدەکریە.
کۆچا وەلاتیێن هەرێمێ
ئەڤێ جارێ جودایە و ب زارۆک و گەنج و پیرڤە نها لسەر سنورێ بیلاروسیانە، د چەند رۆژێن
دەربازبووی دا ززارۆک و سنێلەیەکێ ١٤ سالی ب سەدەما سەرمایێ لسەر سنوری ژیانا خۆ ژ
دەستداینە، ئەڤرۆ ژی نووچەگەهانێ ئێن ئاڕ تی بەحسا وێیەکێ کر، کو ئەڤینا ٣٨ سالی ب
دوو گیانی و د ڕەوشەکا خرابدا گەهاندینە نەخۆشخانەیەکا سەر سنوری و زارۆکێ دزکێ وێ
دا ژیانا خۆ ژ دەستدا، مەترسی لسەر ژیانا وێ بخۆ ژی هەیە.