PM:03:19:21/05/2025
508 جار خوێندراوەتەوە
+
-
ل دهۆکێ گومان ل ژنەکێ
دهێتەکرن ل کو تووشبوویا تایا خوینبەربوونێ یە و د نها دا ل نەخۆشخانەیا ئازادیە ل
دهۆکێ و پشکنینێن وێ بۆ بەغدا هاتینە هنارتن.
ئەڤرۆ چارشەمبی،
نووچەگەهانا ئێن ئاڕ تی ڕاگەهاند، گومان ل ژنەکێ دهێتەکرن کو تووشبوویا نەخۆشیا
تایا خوینبەربوونێ یە و د نها دا ل بن چاڤدێریا نوژداران دایە.
ئاماژە ب وێ یەکێ ژی کر،
پشکنینێن بۆ وێ گومانلێکریێ هاتینەکرن و بۆ بەغدا هاتینە هنارتن، بڕیارە سوبەهی ژی
پشکنین ڤەگەرن و زەلال بیت کو هەلگرا تایا خوینبەربوونێ یە یان نە.
ئەو یەکژی بەرچاڤکر، ئەو
گومانلێکریە کەسەکا نێزیک بوویە ژ وێ ژنا بەری هەیامەکی ل دهۆکێ ژبەر تایا
خوینبەربوونێ ژیانا خۆ ژدەستدای.
ئەڤە د دەمەکی دایە،
10ـێ ڤێ هەیڤێ ژنەکا ئاکنجیا شێلادزێ ل سنورێ ئامێدیێ پشتی سێ رۆژان ژ مانا وێ ل
نەخۆشخانێ ژبەر تایا خوینبەربوونێ ژیانا خۆ ژدەستدا.