PM:01:28:12/05/2025
4432 جار خوێندراوەتەوە
+
-
وەزیرا داراییا عێراقێ هندەک بڕیار دەربارەی دامەزراندنا فەرمانبەران
و ب هەردەمیکرنا گرێبەستێن وان دا و راگەهاند، ئەو پلەیێن وەزیفی یێن د بودجەیا سێ
سالیا عێراقێ دا هاتینە دانان 921 هزار و 665 پلەنە.
ئەڤرۆ دووشەمبی، تەیف سامی وەزیرا داراییا عێراقێ ڕاگەهاند، یاسایا
بودجەیێ گشتی ژمارە 13 بۆ سالێن (2023-2024-2025) هاتیە بجهئینان، کۆما گشتیا وان
پلەیێن وەزیفی ژی د بودجەیێ سێ سالی دا 921 هزار و 665 پلە بوون.
ئاماژە ب وێ یەکێ ژی کر، 396 هزار و 521 گرێبەستێن مامۆستایێن وانەبێژ
هاتینە هەردەمیکرن، ژبلی ڤەگەراندنا شەش هزار و 910 فەرمانبەرێن سزادایی یێن سیاسی
بۆ وەزارەت و سازیێن حکومەتێ.
ئەو یەکژی بەرچاڤکر، 74 هزار و 728 پلەیێن وەزیفی بۆ هەلگرێن
ناوەرنامەیێن بلند و ئێکەمێن زانکۆیان هاتینە تەرخانکرن.
بەحسا وێ یەکێ ژی کر، ب پشت گرێدان ب ماددەیێ 66 ژ یاسایا بودجەیێ
فیدارلی ژمارە 13 بۆ سالێن (2023-2024-2025) و لسەر بنەمایێ رێژەیا ئاکنجیان، 150
هزار پلەیێن وەزیفی لسەر هەمی پارێزگەهان هاتنە دابەشکرن.