PM:08:23:09/05/2025
764 جار خوێندراوەتەوە
+
-
ده‌زگه‌هێ تاوانێن
نیشتیمانییا به‌ریتانیا به‌لاڤکر، وه‌لاتییه‌کێ عێراقی کو گومان لێ دهێته کرن
پشکه‌ک بیت ژ گروپه‌کێ تاوانکاریا ڕێکخستی یا کوردی کو به‌رپرسه ژ ڤه‌گوهاستنا کۆچبه‌ران
بۆ به‌ریتانیا، ڕاده‌ستی به‌لجیکا هاته کرن دا کو رووبڕووی دادگه‌هێ بهێتەکرن.
ئه‌ڤرۆ هه‌ینی ٩ێ
ئەیارێ، ده‌زگه‌هێ تاوانێن نیشتیمانییا به‌ریتانیا به‌لاڤکر، وه‌لاتییه‌کێ عێراقی
کو گومان لێ دهێته کرن پشکه‌ک بیت ژ گروپه‌کا تاوانکاریا ڕێکخستی یا کوردی، ل هه‌یڤا
ته‌مموزا سالا ٢٠٢٤ ل باژێرێ پیتەربۆرۆ، کو وی ده‌می ل وێرێ ئاکنجی بوو، پشتی کو
ده‌ستهه‌لاتدارێن به‌لجیکی فه‌رمانا ده‌سته‌سه‌رکرنا وی ده‌رکری، هاته ده‌سته‌سه‌رکرن.
ئاماژه ب وێیه‌کێ
ژیکر، ناڤبری ڤیایه کو گروپێن خێزانی، د ناڤ وان دا زارۆکان ژی ب قاچاخ بۆ به‌ریتانیا
کو د ناڤ ترۆمبێلان دا هاتینه ڤه‌شارتن، ب ڕێیا به‌نده‌رێ زیبرۆگ ڤه‌گوهێزیت.
به‌حس ل وێ چه‌ندێ
ژیکر، د هه‌ردوو جاران دا گروپ ژ لایێ پۆلیسێن فیدرال یێن به‌لجیکی ڤه هاتنه نیاسین
و ڕێگری لێ هاته کرن به‌ری کو بشێن بچنه به‌ریتانیا، هه‌رچه‌نده ئه‌فسه‌ر وه‌سا
دبینن هه‌مان گروپێن تاوانێن ڕێکخستی ڕه‌نگه ل پشت بزاڤێن دی یێن سه‌رکه‌فتی
بووبن و ڤه‌کۆله‌ران گومان هه‌بوو کو ڕێکخه‌ر یێ کو ب ناڤه‌کێ ساخته کار دکه‌ت، ژ
به‌لجیکا ڕه‌ڤی بیت و په‌یوه‌ندی ب ده‌زگه‌هێ نیشتیمانی یێ تاوانان کربیت.
هه‌روه‌سا، ب
کارکرنا دگه‌ل پرۆفایلێن سۆشیال میدیایێ و داتایێن ته‌له‌فۆنێ، ئه‌فسه‌رێن NCA شیاینە
ناسناما تۆهمه‌تباری بناسن کو ناڤێ وی قادرە کو به‌رێ ل هه‌یڤا گولانا ٢٠٢٣ ب به‌له‌مه‌کا
بچووک سنوور ده‌رباز کربوو.
د هه‌مان ده‌م
دا، پشتی ده‌سته‌سه‌رکرنا وی، ل بن ده‌سته‌سه‌ریێ دا هاته ڕاگرتن د ده‌مه‌کی دا کو
ڕێکارێن ڕاده‌ستکرنێ ده‌ست پێکرن، و ژ لایێ دادوه‌رێ وێستمینسته‌ر ڤه ل ٢٤ێ ئادارێ
فه‌رمان پێ هاته دان، و ل رۆژا پێنجشه‌مبی ٢٤ێ نیسانێ ب فرۆکێ ژ به‌ریتانیا ده‌رکه‌فت.
رۆژا دەربازبووی ل به‌لجیکا دێ ڕووبه‌ڕووی دادگه‌هکرنێ بیت.
گیل دوگان، به‌رپرسێ
ئۆپه‌راسیۆنێن ئه‌ورۆپا یێ کومپانیا NCA
International،
راگەهاند، باندێن قاچاخچیتیا مرۆڤان ژ
سنوورێن نێڤده‌وله‌تی کار دکه‌ن، ژبەر هندێ وه‌کی جێبه‌جێکرنا یاسایێ دڤێت ل سه‌ر
ئاستێ نێڤده‌وله‌تی ژی کار بکه‌ن.
گۆت ژی، د ڤێ
حاله‌تێ دا NCA ژ نێزیک ڤه دگه‌ل هه‌ڤکارێن خۆ یێن به‌لجیکی
کار کریە بۆ نیاسین و دیتنا جهێ که‌سه‌کی کو گومان لێ دهێته کرن پشکداری د چه‌ندین
بزاڤێن نه‌یاسایی دا کربیت بۆ گه‌هشتنا به‌ریتانیا.
هه‌روه‌سا، نوکه
هاتیه ڤه‌گه‌ڕاندن بۆ به‌لجیکا دا کو بهێته هەمبەر دادگه‌هێ. ب کارکرنا دگه‌ل هه‌ڤکارێن
نێڤده‌وله‌تی هه‌موو بزاڤەکێ دده‌ن بۆ ب ئارمانجگرتن و تێکدان و هه‌لوه‌شاندنا وان
گروپێن تاوانکاری یێن کو پشکدارن د قاچاخچیتیا مرۆڤان دا د ناڤبه‌را سنووران دا.