PM:08:29:18/04/2025
724 جار خوێندراوەتەوە
+
-
گڤاشتنێن نێڤدەولەتی و هەرێمی بۆ دەستپێکرنا هنارتنا پەترۆلا
هەرێمێ زێدەتر بووینە و پشتی ئەمریکا، تورکیا ژی لسەر وێ پرسێ هاتە دەنگ.
ئەڤرۆ ئەینی، نوح یەلماز جێگرێ وەزیرێ دەرڤەیێ تورکیا سەرەدانا
هەرێمێ کر و دگەل بەرپرسێن هەرێمێ کۆمبوو، پشترا ڕاگەهاند، وان گوتوبێژێن گرنگ
دگەل بەرپرسێن هەرێمێ کرینە بۆ دەستپێکرنا هنارتنا پەترۆلا هەرێما کوردستانێ ب
رێکا بەندەرێ جەیهان – تورکیا.
هەڤدەم، بەری نها ژی دوو بەرپرسێن بلندێن ئەمریکا
هایداری دابوویە بەرپرسێن هەرێمێ کو دڤێت ب زویترین دەم ئاستەنگێن هەمبەر هنارتنا
پەترۆلا هەرێمێ چارەسەر بکەن و هنارتنا پەترۆلێ دەستپێبکەتەڤە.
ئەڤە د دەمەکی دایە، زێدەتری دوو سالن هنارتنا پەترۆلا
هەرێمێ ب بۆریێ ب رێکا بەندەرێ جەیهان هاتیە راگرتن، لێ ژ وی دەمی ڤە هنارتنا
پەترۆلا هەرێمێ ب ئاوایێ قاچاغ بەردەوامە و داهاتێ وێ ژی نەدیارە.