AM:09:04:24/07/2021
1336 جار خوێندراوەتەوە
+
-
شێورمەندەکێ سەرۆک وەزیرێن عێراقێ
ئەشکەراکر، د کڤانێ لهەڤهاتنا دناڤبەرا عێراق و چینێ دا چار پرۆژەیێن مەزن دێ هێنە
جێبەجێکرن، ژ وان ژی دروستکرنا ٩١ هزار یەکەیێن نشتەجێبوونێ.
سەباح عەبدولەتیف شێورمەندێ سەرۆک وەزیرێن
عێراقێ بۆ کاروبارێن ئاڤاکرنێ بۆ میدیایێن عێراقیان ڕاگەهاندیە، چار پرۆژەیێن مەزن
دێ هێنە جێبەجێکرن کو ئێک ژ وان ژی دروستکرنا ٩١ هزار یەکەیێن نشتەجێبوونێ ل
مەدینەیا سەدر یا بەغدا ب کۆژمێ هەشت ملیار دۆلاران.
ئاماژە ب وێیەکێ ژی کریە، د کڤانێ وان
پرۆژەیان دا، هزار خاندنگەهـ دێ ل عێراقێ هێنە ئاڤاکرن، ژبلی پرۆژەیێن ئاڤرێژیێ ل
چار دەڤەرێن بەغدا.
شێورمەندێ کازمی بەحسا وێیەکێ ژی کریە،
لهەڤهاتن دگەل دگەل وەلاتێ چینێ ڤەکریە تا وی دەمێ ئێک ژ ئالیان داخازا
راوەستاندنێ دکەت.
ئەوژی دیارکریە، ئاریشەیێن یاسایێن لهەڤهاتنێ
هاتینە چارەسەرکرن ل دوو رۆژێن دەربازبووی دا دەستکریە ب دانا پارەیێن عێراقێ کو
بریتیە ژ ١٠٠ بەرمیلێن پەتڕۆلا رۆژانە ژ سندوقا سیادی بۆ وان پرۆژەیان دهێتە
تەرخانکرن.
ئەڤە ددەمەکیدایە، د نهادا عێراقێ و
ئەمریکا د خولا چارێ یا گۆتۆبێژێن ستراتیژی دانە ژبلی بابەتێن ئەمنی و سەربازی
چەندین بوارێن ئابوری و پەروەردەیی و ساخلەمی بخۆڤە دگریت.