PM:07:46:14/10/2021
288 جار خوێندراوەتەوە
+
-
ئەو کەسێ بەرێ سپێدەهیا ئەڤرۆ زێرەڤانێ
پرۆژەیەکێ ئاکنجیبوونێ ل سلێمانیێ کوشتی هاتە دەستەسەرکرن و ئاسایش ژی دبێژیت، کورێ
بەرپرسەکێ باژێرێ کەرکوکێ یە.
ئاسایشا سلێمانیێ ڕاگەهاند، کو ئەو کەسە دەستەسەرکرینە
ئەوێ ئەڤرۆ د پرۆژەیێ ئاکنجیبوونێ (دەروازە ستی) دا ل سلێمانیێ زێرەڤانەک کوشتی، ئاماژە
ب وێیەکێ ژی کر، بکوژ ناڤێ وی (ب.م) کورێ
بەرپرسەکێ باژێرێ کەرکوکێ یە و کەسوکارێن وی هەڤکاربوون لسەر دەستەسەرکرنا وی.
دوێ دەربارەیێ دا وەزارەتا ناڤخۆیا هەرێمێ
ڕاگەهاندبوو، کەسێ بکوژ دیارە و ناڤونیشانێ وی دیارە و ئەو کەسێ هاتیە کوشتن ژی
دیارە و ناڤێ وی (ه.م.ک)یە و ژ دایکبوویێ ١٩٩٠ێ یە و ئاکنجیێ تاخێ شەکرەیێ باژێرێ
سلێمانیێ یە و کارمەندێ سکیوریتیێ وێ دەروازێ بوویە.
وەزارەتا ناڤخۆ بەحسا وێیەکێ ژی دکەت،
"ئەو کەسێ هاتیە کوشتن وی دەمی د ئەرکێ خۆدابوو و دگەل بکوژی دببیتە شەرەدەڤ
و پشترە دەمانجێ دئینیت و تەقێ لێ دکەت پاشان ژیانا خۆ ژ دەست ددەت".
ئەڤرۆ ل دەروازە ستی یا باژێرێ سلێمانیێ کو
پرۆژەیەکێ ئاکنجیبوونێ یە، شەڕەدەڤ دناڤبەرا کەسەکی و زێرەڤانێ پرۆژەی دا دروست
دبیت و ب وێ سەدەمێ ژی تەقێ لێ دکەت و زێرەڤانێ دەروازێ ژیانا خۆ ژ دەست ددەت.