PM:02:57:14/10/2021
1244 جار خوێندراوەتەوە
+
-
سێ رۆژە ب تەمامی غازا مالان نەگەهشتیە پارێزگەها دهۆکێ جارەکادی
قەیران دروستبوویە.
نووچەگەهانا ئێن ئاڕ تی ل دهۆکێ ڕاگەهاند، کو بو دەمێ سێ
رۆژانە و ل پشتی ب داوی هاتنا هەلبژارتنان قەیران و گرانبوونا غازا مالان ل
پارێزگەها دهۆکێ دروستبوویەڤە، باندوری لسەر وەلاتیان کریە و بتایبەت نانپێژیان.
ئاماژە ب وێیەکێ ژی کر، غازا بازرگانی کەفتیە د بازاریدا
کو دنهادا بتلەکێ غازا بازرگانی ب ١٧ هزار دیناران دهێتە فرۆتن.
لدویف وان زانیاریێن ب دەست ئێن ئاڕ تی کەفتین، ئاریشەیا
کێمیا غازا مالان دێ بوو دەمێ ٢٠ رۆژێن دی ل دهۆکێ بەردەوامبیت.
بەحسا وێیەکێ ژی کر، ئالیێن پەیوەندیدار چ داخۆیانی
دەربارەی ڤێ ئاریشەیێ نەداینە.
ئەڤە ددەمەکیدایە، پارێزگەها دهۆکێ پێتڤی ب ٢٨٠ تەنێن
غازێ هەیە کو بەریا نها ١٠٠ تەن دگەهشتن و تێرا وەلاتیان نەدکر و نها ئەو ١٠٠ تەنە
ژی ناهێن.