PM:02:17:14/10/2021
1984 جار خوێندراوەتەوە
+
-
سەرۆکێ دەزگەهێ دژەتیرۆرا
عێراقێ زەلالکرنەک دەربارەی نووچەیێ دوویرێخستنا وی ژ پۆستێ وی بەلاڤکر.
ئەڤرۆ پێنجشەمبی،فەریق عەبدولوەهاب د داخۆیانیەکێدا
ڕاگەهاند، ئەو نووچەیێن کو ل تۆڕێن جڤاکی و پشکەک ژ میدیایان بەلاڤبووین دەربارەی
دوویرێخستنا من ژ پۆستێ من، بتنێ پروپاگندەیە و چ بنەمایەکێ راستی بوو نینە.
زەلال کر ژی، هێزێن دژە تیرۆرا عێراقێ بەردەوامن ژ دیڤکەفتنا
چەکدارێن داعش ل هەر جهەکێ عێراقێ بن.
ساعدی داخاز ژی کر، وەلاتی پشت نەگرێدەن ب نووچەیێن
پروپاگندە و نەراست و بتنێ ژێدەرێن فەرمی بۆ نووچەیان وەرگرن.
عەبدولوەهاب ساعدی سەرکردەیێ دژەتیرۆرا عێراقێ، دەمێ ژ
ئالیێ عادل عەبدولمەهدی سەرۆک وەزیرێن بەرێ یێ عێراقێ پۆستێ وی ڤەگۆهاستی بۆ سەر
وەزارەتا بەرەڤانیا عێراقێ نەرازیبوونەکا مەزن لدویف خۆ ئینا، ل دەمێ دەستبکاربوونا
حکومەتا کازمی کریە سەرۆکێ دەزگەهی.
ساعدی شیعەیەو ژ دایکبوویێ سالا ١٩٦٣ێ یە و خەلکێ تاخێ
سەورەیە ل بەغدا و دەرچوویێ زانکۆیێە و فیزیا تەمامکریە و هەیا سالا ٢٠٠٠
ماموستایێ زانکۆیا سەربازیبوو.