PM:07:43:30/09/2023
2248 جار خوێندراوەتەوە
+
-
رێڤەبەرێ ڕاگەهاندنا وەزارەتا ناڤخۆیا عێراقێ ڕاگەهاند، ئەشکراکرنا
ئەنجامێن ڤەکۆلینان ل بوویەرا حەمدانیە بۆ رۆژا ئێکشەمبی هاتە پاشخستن.
ئەڤرۆ شەمبی، سەعد مەعن رێڤەبەرێ ڕاگەهاندنا وەزارەتا ناڤخۆیا ڕاگەهاند، سوبەهی
عەبدولئەمیر شمری وەزیرێ ناڤخۆ دێ د کۆنفرانسەکا رۆژنامەڤانی دا هەمی ئەنجامێن
بوویەرا حەمدانیە ئەشکرا کەت.
ئاماژە ب وێیەکێ ژی کر، وەزیرێ ناڤخۆ هەمی هیورکاریێن ڤەکۆلینێ رادگەهینیت،
دگەل وێنە و ڤیدیۆ دیدەڤانان بۆ زانینا راستیا بوویەرێ، لێ پێدڤیە لەز نەهێتەکرن و
کەس نەهێتە توهمەتبارکرن.
ئەڤە د دەمەکی دایە، درەنگیا شەڤا سێشەمبیا دەربازبووی، ئاگر د ئاهنگەکا
هەڤژینیێ دا ل هۆلا هەیسەم ل قەزا حەمدانیە بەربوو و ب وێ سەدەمێ ژی ١٠٤ کەسان
ژیانا خۆ ژدەستدان و ٢٠٠ کەسێن دی ژی برینداربوون.