ئەوەشی خستە روو، بەرێوەبەری بانکی کی کارد رایگەیاندووە لە ماوەی ٢٠ رۆژدا کارتی بانکی بۆ فەرمانبەرانی هەرێم دەردەکەن و بانکی رەشید و رافیدەین ئەگەر لقیشیان نەبێت لە هەرێم، هەر دەتوانن مووچە بەبانکی بکەن.
باسی لەوەش کرد، لە هیچ شوێنێکی جیهاندا نییە مووچەخۆر و هاوڵاتی ناچار بکرێت لە بانکێکی دیاریکراو هەژماری بانکی بکاتەوە، تاوەکو ئێستاش هەژماری من ناسراو نییە و هیچ لایەنێک مامەڵەی لەگەڵدا ناکات لە کاتێکدا، ٥٠٠ هەزار کەس لە هەرێم لە رێگەی بانکەکانی عێراقەوە مووچە وەردەگرن و کێشەیان نییە.

سروە عەبدولواحید ئاماژەی بەوەش کرد، "ئەمڕۆ هەستم بەشەرمەزاری کرد هاوکارە عەرەبەکانم باسی خراپی دۆخی ژیانی هاوڵاتیانی هەرێمیان دەکرد و تێناگەم بۆچی بەرپرسانی هەرێم دەیانەوێت هەموو رۆژێک کێشەیەکی نوێ لەگەڵ بەغدا دروست بکەن؟."

لەبارەی سێ مووچە فەوتاوەکەی ساڵی رابردووشەوە ئەوەی خستە روو، ئەو مووچانە لە رێگەی دادگاوە لەنێوان هەرێم و بەغدادا یەکلایی دەکرێنەوە، وەکو فراکسیۆنی نەوەی نوێ نوسراویان بۆ لایەنە پەیوەندیدارەکان کردووە بۆ ئەوەی سێ مووچەکە بدرێتەوە فەرمانبەران.

راشیگەیاند، نەوەی نوێ بەهیچ شێوەیەک لەگەڵ دواخستنی هەڵبژاردندا نییە و لە سەرجەم لایەنەکان دۆخی باشترە و ئامادەیە بۆ هەڵبژاردن.