AM:08:47:14/04/2024
1940 جار خوێندراوەتەوە
بەڕێوەبەری فڕۆکەخانەی نێودەوڵەتی سلێمانی بە دیجیتاڵ میدیای ئێن ئاڕ تی راگەیاند، سەرجەم گەشتەکانی فڕکەخانەکەکانی عێراق و سلێمانی دەستیان پێکردووەتەوە.
ئەمڕۆ یەکشەممە، هەندرێن هیوا بەڕێوەبەری فڕۆکەخانەی نێودەوڵەتی سلێمانی لە لێدوانێکدا بۆ ئێن ئاڕ تی باسی لەوە کرد، دەسەڵاتی فڕۆکەوانی عێراق راگرتنی گەشتە ئاسمانییەکانی عێراق و هەرێمی هەڵوەشاندەوە و گەشتەکان ئاسایی کرانەوە.
شەوی رابردوو، وەزارەتی گواستنەوەی عێراق رایگەیاند، لە
ئەنجامی دەستپێکی هێرشەکانی ئێران بۆ سەر ئیسرائیل سەرجەم فڕۆکەخانەکانی عێراق و هەرێم
داخران. لەو بارەیەشەوە پەیامنێری ئێن ئاڕ تی باسی لەوە کرد، بەمەبەستی پاراستنی گیانی
گەشتیاران و هاوڵاتیان سەرجەم گەشتەکان راگیراون.
باسی لەوەش کرد، لە ئێستادا سەرجەم فڕۆکەخانەکانی عێراق
وهەرێم گەشتەکانیان راگرتووە. وتیشی، "تا ئێستا کاریگەری و ئاڵۆزییەکانی رۆژهەڵاتی
ناوەڕاست کاریگەری نەرێنی لەسەر خاکی عێراق دروست نەکردووە بەڵام رێکاری ئەمنی بۆ
ئەو مەبەستە گیراوەتە بەر".