وتەبێژى هێزە چەکدارەکانی عێراق رایگەیاند، لیژنە سەربازییەکان جەخت لە کشانەوەی هێزەکانی هاوپەیمانی نێودەوڵەتی دەکەنەوە.
یەحیا رەسوڵ وتەبێژى هێزە چەکدارەکانی عێراق لە راگەیەندراوێکدا ئاماژەى بەوەکردووە، لیژنەکانی راسپێردراو چوارەم کۆبوونەوەی خۆیان کردووە و هەڵسەنگاندنیان بۆ مەترسییەکانی داعش کردووە.
باسی لەوەش کردووە،
لیژنەکان جەخت لەسەر کۆتایهێنان بە ئەرکی هاوپەیمانی نێودەوڵەتی دەکەنەوە.
ئاماژەی
بەوەشکردووە، گفتوگۆکان و هەڵسەنگاندنەکان بەردەوام دەبن بۆ دیاریکردنی کشانەوەى هێزەکانى
هاوپەیمانان.
ئەوەش لەکاتێکدایە،
ماوەی چەند مانگێکە مشتومڕی کشانەوەی هێزەکانی هاوپەیمانان لەسەر مێزی گفتوگۆی
کاربەدەستانی عێراقە و لەماوەی رابردووشدا هێزەکانی هاوپەیمانان باسیان لەوەکرد،
ئەوان بە رێککەوتن هاتوونەتە ناو خاکی عێراقەوە و ناکشێنەوە.