PM:11:09:10/04/2024
1400 جار خوێندراوەتەوە
سەرۆک وەزیرانى عیراق رایگەیاند، کاردەکەن بۆئەوەى عێراق بکەنە وڵاتێکى بەرهەمهێن و سەقامگیر چونکە ئەوانە لە پایەکانى دابینکردنی ئاسایش و سەقامگیرن. وتیشى، کار لەسەر چارەسەرکردنى پرسە ئابورییەکان دەکەن.
ئەمڕۆ چوارشەممە، محەمەد شیاع سودانى باسى لەوەشکرد، حکومەتەکەى کاردەکات لەسەر بەدەستهێنانى ئەو ئامانجانە بەشێوەیەکی قوناغ بەند و لەسەرەتاشدا چاویان لەسەر دابینکردنى خزمەتگوزارییەکانە ئەوەش بۆ دڵنیاکردنەوەى هاوڵاتیان لەوەى کە حکومەت پێداگرە لەسەر ئەو ئامانجانە و کارنامەکەى.
سودانى جەختیشی کردەوە حکومەتەکەى بە یەک
ئاراستە کارناکات و بەڵکو چەندین دۆسییەى بەدەستەوەیە لە ئاراستە جیاوازەکانەوە لەوانەش
رێککردنەوەى رێرەوی ئابورى دەوڵەت و کە کار لەسەر چارەسەرکردنى بەجۆرێک کاریگەرى گەورەى
لەسەر داهاتووى وڵات هەبێت.
وتیشى، زیادکردنى دڵنیایی لە کارکردنى دامەزراوە
و وەزارەتە خزمەتگوزارییەکان دەبێتەهۆی دڵنیایی وەبەرهێنەرەکان و خاوەنکارەکان لە
ناوەوە و دەرەوەى عێراق.
