PM:10:54:05/04/2024
2508 جار خوێندراوەتەوە
سبەى لایەنەکانى پێکهێنەرى حکومەت لە بەغدا بە بەشدارى سەرۆک وەزیرانى عێراق کۆدەبنەوە و چاوەڕوان دەکرێت ئامادەکاریی بۆ سەردانەکەى سودانى بۆ ئەمریکا و بوونى هێزەکانى ئەمریکا لە عێراق و کێشەکانى هەرێم و بەغدا باس بکرێت.
بەپێی زانیارییەکان، بڕیارە رۆژى شەممە لایەنەکانى ئیدارەى دەوڵەت لەناویشیاندا چوارچێوەى هەماهەنگی و پارتى و یەکێتى و سونەکان کۆبوونەوەیەک لە شاری بەغدا ئەنجام بدەن.
ئەم کۆبوونەوەیە لەکاتێکدایە، بڕیارە ناوەڕاستى ئەم مانگە
محەمەد شیاع سودانى سەردانى ئەمریکا بکات و لەگەڵ جۆ بایدن سەرۆکى ئەو وڵاتە کۆببێتەوە
هەربۆیە پێشبینی دەکرێت، کێشەکانى نێوان هەرێم و بەغدا و بڕیارەکانى دادگاى فیدڕاڵى
لەو بارەیەوە، هاوکات بوونى هێزەکانى ئەمریکا لە عێراق و پرسى ناجێگیرى نرخى دۆلار
لە کۆبوونەوەکەدا گفتوگۆی لەسەر بکرێت و سودانیش داواى هەماهەنگی و هاوکاریی لە
لایەنەکانى پێکهێنەرى حکومەت بکات.