PM:09:49:05/04/2024
2412 جار خوێندراوەتەوە
بانکی ناوەندیی عێراق رایگەیاند، پێدانی قەرزی خانووبەرەیان بۆ دوو توێژی دیکە زیاد کردووە کە ئەوانیش گەنجان و خانەنشینانن. دەشڵێت، لەدوای کاراکردنی لینکی داواکاری بۆ قەرزی خانووبەرە، هەر چوار توێژی گەنجان و خانەنشینان و فەرمانبەران و ئەندامانی هێزە ئەمنییەکان دەتوانن بەبڕی ١٥٠ ملیۆن دینار قەرزی خانووبەرە وەربگرن.
ئەمڕۆ هەینی، عەمار ئەحمەد جێگری پارێزگاری بانکی ناوەندی رایگەیاند، لە ئێستادا بانکی خانووبەرە سەرقاڵی ژماردن و رێکخستن و پێداچوونەوەی قەرزەکانی پێشووە و لە دوای تەواوبوونی؛ لینکی داواکاری بۆ قەرزی خانووبەرە کارا دەکات.
ئاماژەی بەوەش کرد، زۆرترین بڕی وەرگرتنی قەرز دەگاتە
١٥٠ ملیۆن دینار و چوار توێژ لێی سوودمەند دەبن، کە گەنجان و ئەندامانی هێزە ئەمنییەکان
و فەرمانبەران و خانەنشینان لەخۆ دەگرێت.
ئەوەشی خستە روو، زۆرێک لە هاوڵاتیان سوودمەند
بوون لە وەرگرتنی قەرزی خانووبەرە و خواستێکی بەردەوامیش بۆ قەرزکردن هەیە و بانکی
خانووبەرەش قەرزی رانەگرتووە.
ئەمەش لەکاتێکدایە، پێشتر بانکی ناوەندیی عێراق
رایگەیاند، لەدوای کۆتاییهێنان بە پڕۆسەی ژماردن و پێداچوونەوە و رێکخستنی قەرزەکانی
پێشوو، بانکی خانووبەرە لینکی داواکاری بۆ قەرزی خانووبەرە کارا دەکات و تەنها تایبەت
دەبێت بە ئەندامانی هێزە ئەمنییەکان و فەرمانبەران کە بڕی ١٥٠ ملیۆن دینار قەرزییان
پێ دەدرێت.