PM:08:16:01/04/2024
696 جار خوێندراوەتەوە
وەزارەتی بازرگانی عێراق رایگەیاند، پاڵپشتی هەناردەکاران دەکەن لە رێگەی پێدانی قەرز و ئاسانکاری لە دەرکردنی مۆڵەتی هەناردەکردن، لەپێناو هەناردەکردنی بەرهەمە عێراقییەکان بۆ پێشانگا نێودەوڵەتییەکان و نمایش کردنیان.
ئەمڕۆ دووشەممە، موستەفا عانی بەڕێوەبەری گشتی کۆمپانیای پێشانگاکان و سەرۆکی لیژنەی سندوقی پاڵپشتی هەناردەکردن لە وەزارەتی بازرگانی عێراق رایگەیاند، بەشێوەی قەرز و یارمەتی پشتگیری هەناردەکاران دەکەن لە پێناو هەناردەکردنی بەرهەمە عێراقییەکان بۆ پێشانگا نێودەوڵەتییەکان.
ئاماژەی بەوەش کرد، رێکارەکانی دەرکردنی مۆڵەتی هەناردەکردن ئاسان دەکەن و
کۆمپانیای بارزگانی حکومەتی عێراق تێچووی بەشداریکردن لە پێشانگا نێودەوڵەتییەکان
دەگرێتە ئەستۆ بە دابینکردنی تێچووی شوێنی بەکرێگیراوی پێشانگاکان و کرێی گواستنەوەی
بەرهەمە عێراقییەکان بۆ نمایشکردنیان.
ئەوەشی خستە روو، لەگەڵ وەزیری بازرگانیدا بەردەوام لە هەوڵدان بۆ چارەسەرکردنی
کێشە و گرفتەکان لەبەردەم هەناردەکردنی کاڵا عێراقییەکان بۆ پێشانگا نێودەوڵەتییەکان.