ئاماژەی بەوەش کرد، بڕیاریشە بەگوێرەی مادەی ۲۲ـی رێککەوتنەکە هاتنی زیاتری هێزەکانی ئەمریکا بۆ عێراق بەمەبەستی پاراستنی هێزەکانی ئەمریکا و کۆمپانیا نێودەوڵەتییەکانە کە لە عێراق کار دەکەن خراوەتە کارنامەی رێککەوتنەکانەوە لەژێر سەرپەرشتی یاسا سەربازیەکانی عێراق.

ئەوەشی خستە روو، بەمەبەستی فراوانکردنی پەیوەندی دیبلۆماسی و سەربازی بڕیارە مانگی داهاتوو تیمێکی راوێژکاری سەربازی ئەمریکا بۆ راهێنان پێکردنی هێزەکانی عێراق سەردانی بەغدا بکەن تایبەت بە راهێنانی دژە موشەک و سیستمی درۆن و رادار، بۆ ئەو مەبەستەش بەغدا رازی بووە بەشێک لەخەرجی ئەو سیستەمانە بگرێتە ئەستۆ لەپێناو پاراستنی خاکی عێراق بەتەواوی کە ژمارەیان زیاترە لە ۲٠دژە درۆن و موشەکی بالیستی کە تێچووی هەموو سیستمەکان ۲٠٠ملیۆن دۆلارە. دەشڵێت، "باشترین جۆری دژەموشەک و سیستمی رادار دەهێندرێتە خاکی عێراق لە مانگی ئایاردا".

جەختی لەوەش کردەوە، ئەمڕۆ لە کۆبونەوەی لوتکەی ئاسایش لە خاکی عێراق و وەزیری دەرەوەی عێراقیش لە واشنتۆن پرسی ئاسایشی خاکی عێراق و سیستمی چەک و ژێرخانی سەربازی عێراق یەکلایی کرایەوە، کە ئەوەش بە چوارەم کۆبونەوەی ئاسایشی عێراق و ناوچەکە دادەندرێت.