وەزارەتی ناوخۆی عێراق رایگەیاند، لەپێناو رێگری کردن لە لافاو و رووبەرووبوونەوەی زیان و کارەساتەکان، لیژنەیەکیان تایبەت بە لافاو و کارەسات پێکهێناوە.
ئەمڕۆ یەکشەممە، عەبدولئەمیر شەمەری وەزیری ناوخۆی عێراق رایگەیاند، پاڵپشتی کارەکانی بەڕێوەبەرایەتی بەرگری شارستانی دەکەن بۆ راپەڕاندنی کارەکانیان لەکاتی دروستبوونی لافاو بۆ ئەو مەبەستە لیژنەیەکی فریاگوزاری تایبەتمەندیان بە لافاو و کارەساتەکان پێکهێناوە.
ئاماژەی
بەوەش کرد، ئەرکەکانی بەرگری شارستانی زۆرن، هەربۆیە ناوەندی نیشتیمانی بۆ بەڕێوەردنی
کارەساتەکانیان دامەزراندووە، کە ئەرکی رێکخستنی مامەڵە کردنە لەگەڵ کارەسات و زیانەکان.
ئەوەشی
خستە روو، پێویستە سەرجەم لایەنە پەیوەندیدارەکان ئامادەبن بۆ هەر حاڵەتێکی لەناکاو
لە سەرجەم پاریزگاکان.
لە هەفتەی
رابردوودا بەهۆی ئەو شەپۆلی بارانبارینەی رووی لە هەرێم کرد، لافاو لە دهۆک و
هەولێر دروست بوو و بەهۆیەوە زیان بەر ماڵ و سامانی هاوڵاتیان کەوت و لە دهۆکیش سێ
کەس بەهۆی لافاوەکەوە گیانیان لەدەستدا.