رۆژنامەی سی ئی ئۆ وۆڵد بڵاوی کردەوە، بە گوێرەی ئامارەکان هاوڵاتییانی عێراق ژیرترین تاکی وڵاتانی عەرەبین و لەسەر ئاستی جیهانیش پلەی ٦١ـەمیان هەیە. دەشڵێت، " بەپێێ تێپەڕبوونی کات دانیشتوانی عێراق زیرەکتر دەبن بەهۆی سیستمی خوێندنەکەیانەوە".
ئەمڕۆ یەکشەممە، رۆژنامەی سی ئی ئۆ وۆڵد بڵاوی کردەوە، دانیشتوان و هاوڵاتییانی عێراق بەراورد بە وڵاتانی تری عەرەبی ژیرتر و زیرەکترن کە بەتێکڕا ئاستی ژیریان ١٠٦.٤٨ خاڵە کە ئەوەش بەرزترین ئاستە لە ناو وڵاتانی عەرەبیدا.
ئاماژە بەوەش کراوە، لە ئاستی رۆشنبیریدا، تاکی عێراقی لە ریزبەندی ٦١ـەکەمینی
جیهاندایە و بە تێکڕاش ئاستی رۆشنبیرییان ٨٩.٢٨٪ـە کە ئاستێکی بەرزە.
ئەوەش خراوەتە روو، هۆکاری زیرەکی و بەرزبوونەوەی ئاستی رۆشنبیری
هاوڵاتییانی عێراق دەگەڕێتەوە بۆ سیستمی خوێندنیان کە نزیکە لە سیستمی خوێندنی یابانەوە،
جگە لەوەی سەدان توێژینەوە و لێکۆڵینەوەی وردیان هەیە لەسەرجەم بوارەکاندا. وتیشی،
" تاکی عێراق بە پێێ تەمەن و کات تا دێت زیرەکتر و ژیرتر دەبن ئەوەش خاڵێکی ئەرێنیە
لە هاوڵاتییانی عێراقیدا".
ئەوەش لە کاتێکدایە، لەماوەی رابردوودا ناوەندی توێژینەوەی تاگێتماپ بۆ
ئاستی ژیری و رۆشنبیری رایگەیاند، هاوڵاتییانی عێراقی لە ئاستی ژیری و زیرەکیدا بۆ
چەندین ساڵە لەسەریەک لە ریزبەندی یەکەمی وڵاتانی عەرەبیدان.