PM:02:49:21/03/2024
1828 جار خوێندراوەتەوە
چوارچێوەى هەماهەنگى رایگەیاند، پشتگیری تەواوی بڕیارەکانی دادگای فیدراڵی دەکەن و داواش دەکەن سەرجەم لایەنەکان پابەندى بڕیارەکانى دادگاکە بن.
لایەنەکانی چوارچێوەی هەماهەنگیی کۆبوونەوە و لە راگەیەندراوێکدا رایانگەیاند، چوارچێوەى هەماهەنگى جەخت لە گرنگیى پابەندبوون بە جیاکردنەوەى دەسەڵاتەکان دەکاتەوە و نابێت هیچ دەسەڵاتێک زیادەڕەویى بکاتە سەر دەسەڵاتێکى دیکە ئەمەش لەپێناو هاوسەنگى دەستووری و پاراستنى دەستوور لە دەرکردنى بڕیار.
ئاماژە بەوەشکراوە، بە
رێز و پێزانینەوە لە کارەکانى دادگاى فیدراڵى و سەرۆکەکەى دەڕوانن و داواش دەکەن هەموو
لایەنەکان رێز لە بڕیارەکانى دادگا بگرن و لە گرنگییەکەى کەمنەکەنەوە ئەگەر لە بەرژەوەندی
ئەو لایەنەش نەبێت.
بەیاننامەکەى چوارچێوەى
هەماهەنگى لەکاتێکدایە، شەوى رابردوو دادگاى فیدراڵى عێراق راگەیەندراوێکی بڵاوکردەوە
و تیایدا هاتبوو، هێرش دەکرێتە سەریان و رێکارى یاسایی دژى ئەو کەس و لایەنانە دەگرنەبەر
کە هێرشى ناڕەواى جۆراوجۆر دادگاکە تاوانبار دەکەن.
