وەزارەتی دارایی عێراق رایگەیاند، دەستیان کردووە بە دابەشکردنی مووچەی مانگی سێی فەرمانبەران.
ئەمڕۆ سێشەممە، وەزارەتی دارایی عێراق رایگەیاند، بەڕێوەبەرایەتی ژمێریاری دەستی کردووە بە رێکارەکانی دابینکردنی دارایی مووچەی فەرمانبەرانی دەوڵەت و هێزە ئەمنییەکان بۆ مانگی ئازار.
ئاماژەی بەوەش
کرد، داوا لە سەرجەم یەکەکانی ژمێریاری وەزارەتی دارایی لە پارێزگاکان و قائیمقامیەتەکان
دەکەن پێداچوونەوە بە بەشی ژمێریاریدا بکەن بۆ تەواوکردنی مەرجەکانی دابینکردنی
مووچەی فەرمانبەران.
ئەمەش لەکاتێکدایە،
ماوەی زیاتر لە هەفتەیەکە عێراق بڕی ٥٦٠ ملیار دیناری بۆ مووچەی مووچەخۆرانی هەرێم
ناردووە و حکومەتی کاربەڕێکەر دەستی بەسەردا گرتووە و دابەشی ناکات.ئەمڕۆش یەک ملیار و نیوی دیکەی خستە سەر هەژماری بانکی حکومەتی کاربەرێکەر.
لەماوەی شەش
مانگی رابردوودا حکومەتی کاربەڕێکەر تەنها یەک مووچەی دابەشکردووە، مووچەخۆران لە
مانگی ٣ دان و ئەم مووچەیەی بڕیارە وەریبگرن مووچەی مانگی ١١ی ساڵی رابردووە. جیا
لەوەی نزیکەی ٥٠ رۆژە مووچە دابەشنەکراوە.