ئاماژەی بەوەش کرد، لە ئێستادا پرۆسەیەک بۆ گفتوگۆکردن لەسەر بوونی هێزەکانی ئەمەریکا لە عێراق لەنێوان حکومەتی عێراق و حکومەتی ئەمریکا هەیە. وتیشی، "بە مانەوەی هێزەکانمان لە ناوچەکەدا عێراق و ئەمریکا پێکەوە سودمەند دەبن، چونکە هێزەکان بەردەوام فشار دەکەنە سەر پاشماوەی گروپە چەکدارەکان لە ناوچەکەدا، بۆیە بە بڕوای من هێزەکانی ئەمریکا لە عێراق دەمێننەوە".

باسی لەوەش کرد، "پەیوەندییەکی بەردەوام لە نێوان هەردوولا یارمەتیدەر دەبێت بۆ زیاتر بە پیشەییکردنی سوپای عێراق و دابینکردنی ئاسایش بۆ ئەمریکا و هاوبەشەکانی دیکەی لە ناوچەکەدا".

ئەوەشی خستە روو، پێویستە دڵنیا ببنەوە لەوەی کە فەرماندەکانی ئەمریکا لە خاکی عێراق لە کاتی ئەنجامدانی ئەرکەکانیاندا پارێزراو بن، بەوپێیەی ئەوان لەسەر داوای حکومەتی عێراق لە ناوچەکەدا ماونەتەوە.

وتیشی، "نابێت رێگە بدەین گروپە چەکدارەکان هێرش بکەنە سەر هێزەکانی ئەمریکا لە عێراق، ئەمە دەبێت راستەوخۆ چارەسەر بکرێت و ئەو لایەنانەی بەرپرسیارن لێپرسینەوەیان لەگەڵدا بکرێت ".

راشیگەیاند، پێویستە چاوەڕێی ئەوە بین کە ئەمریکا هەنگاو بنێت بەرامبەر بەو کەسانەی کە هێرشەکان ئەنجام دەدەن و هەروەها ئەوانەی پشتگیری لە هێرشەکان دەکەن.

سەبارەت بە هێرشەکان بۆ سەر هێزەکانیان و زیادکردنی ژمارەی هێزەکانیان ئاماژەی بەوە کرد، وەڵامدانەوەیان بۆ هێرشەکان و ئەوانەی بەرپرسیارن لێی قورس دەبێت و هیچ ئەگەرێک نییە ئەمریکا ژمارەی هێزەکانی لە عێراقدا زیاد بکات.