PM:10:44:14/03/2024
2408 جار خوێندراوەتەوە
وەزیری دەرەوەی عێراق رایگەیاند، لە میانەی کۆبوونەوەیان لەگەڵ وەزیری دەرەوەی تورکیا و چەند بەرپرسێکی تورکیا پرسی ئاسایشی هەرێم و داهاتووی هەناردەکردنی نەوتی هەرێم کرا. وتیشی، "پێشبینی دەکەین ئایندەیەکی باشمان لەپێش بێت".
فوئاد حوسین وەزیری دەرەوەی عێراق بە میدیا عەرەبییەکانی راگەیاند، سەر لە ئێوارەی ئەمڕۆ پێنجشەممە بەمەبەستی چارەسەرکردنی پرسی ئابووری و رێگای گەشەپێدانی ئابووری عێراق و تورکیا شاندیکی باڵای تورکیا بە یاوەری هاکان فیدان وەزیری دەرەوەی تورکیا گەیشتە بەغدا.
ئاماژەی بەوەش کرد، لە کۆبوونەوەکەیاندا لەگەڵ هاکان فیدان،
وەزیری دەرەوەی تورکیا و شاندی یاوەری تاوتوێی کۆمەڵێک پرسی دووقۆڵی نێوان عێراق و
تورکیا کراوە بەتایبەت سەردانەکەی سەرۆککۆماری تورکیا کە بڕیارە مانگی نیسان سەردانی
بەغدا بکات.
باسی لەوەش کرد، جەختیان لە بەهێزکردنی هەماهەنگی لە
بواری ئاسایش، بازرگانی، وزە، ئاو، کەلتوور و هەموو ئەو بوارانەی دیکە کردووەتەوە
کە لە بەرژەوەندیی هەمیشەیی نێوان عێراق و هەرێم و تورکیایە و پێویستە بپارێزرێن. وتیشی،
" داوا کراوە کە پرسی هەناردەکردنی نەوتی هەرێم یەکلایی بکرێتەوە و بەخێرایی
رێکارەکانی ناردنی نەوتی هەرێم لە رێگای بەندەری جەیهانەوە چارەسەر بکرێت".
ئەوەش لە کاتێکدایە، ئەمڕۆ شاندێکی باڵای تورکیا گەیشتنە بەغدا و سەبارەت بە
دەستپێکردنەوەى هەناردەى نەوت و پرسەکانى تایبەت بە ئاسایش و بەرگرى لەگەڵ
بەرپرسانی عێراق کۆبوونەوە.
