PM:05:02:11/03/2024
1840 جار خوێندراوەتەوە
دەستەی دەستپاکی عێراق رایگەیاند، دادگای لێکۆڵینەوەی رەسافە فەرمانی دەستگیرکردنی بۆ وەزیری پێشووی گواستنەوە ، بەتۆمەتی زیانگەیاندن بە سامانی گشتی ئەو شوێنەی کاری لێدەکرد و بەکارهێنانی پلەوپێگەکەی لە بەرژەوەندی خۆیدا دەرکردووە.
ئەمڕۆ دووشەممە دەستەی دەستپاکی عێراق رایگەیاند، بەتۆمەتی سەرپێچیکردن لە پێدانی مۆڵەتی وەبەرهێنان بۆ پرۆژەی نۆژەنکردنەوەی فڕۆکەخانەی نێودەوڵەتی کەرکوک و زیانگەیاندن بە سامانی گشتی، دادگای لێکۆڵینەوەی رەسافە فەرمانی دەستگیرکردنی بۆ وەزیری پێشووی گواستنەوەی عێراق دەکردووە.
دەشڵێت،" تۆمەتبار بە پێدانی مۆڵەت بە کۆمپانیایەکی بەڕێوەبردنی فڕۆکەخانە
و پێشکەشکردنی خزمەتگوزاری زەمینی سەرپێچی ئەنجامداوە و یاساکانی وەبەرهێنانی
شکاندووە".
ئاماژەی بەوەش کردووە، ئەو بەرپرسەی
پێشوو پلەو پایەی خۆی بەکارهێناوە بۆ بەرژەوەندی کەسی خۆی.