میدیا عێراقییەکان بڵاویان کردەوە، لە ئەنجامی سێ رووداوی جیاوازی هاتوچۆ لە سێ ناوچەی جیاواز، ١٣ کەس گیانیان لەدەستدا و سێ کەسیش بریندار بوون.
ئەمڕۆ شەممە، میدیا عێراقییەکان بڵاویان کردەوە، رووداوێکی هاتوچۆ لەسەر رێگای بابل-بەغدا روویدا و تێیدا حەوت کەس گیانیان لەدەستدا.
ئاماژە بەوەش کراوە، لە رووداوێکی دیکەی هاتوچۆدا
لە جۆری وەرگەڕان لەسەر رێگای نێودەوڵەتی زی قار-موسەننا پێنج کەس گیانیان لەدەستدا.
ئەوەش خراوەتە روو، لەسەر رێگای کەرکوک-بەغدا رووداوێکی
دیکەی هاتوچۆ روویدا و لە ئەنجامدا کەسێک گیانی لەدەستدا و سێ کەسی دیکەش بریندار
بوون.
ئەوەش لەکاتێکدایە، رۆژی ٨ـی ئەم مانگە لە
دوو رووداوی جیاوازی هاتوچۆدا لە پارێزگای دیالە، کەسێک گیانی لەدەستدا و نۆ کەسی
دیکەش بریندار بوون.