PM:11:20:08/03/2024
1288 جار خوێندراوەتەوە
دەزگای ئاسایشی نیشتیمانیی عێراق رایگەیاند، لە پارێزگای سەڵاحەدین گروپێکی چوار کەسیان دەستگیرکردووە بە تۆمەتی فرۆشتنی زێڕی ساختە و دراوی ساختە.
ئەمڕۆ هەینی، دەزگای ئاسایشی نیشتیمانیی عێراق رایگەیاند، بە پشتبەستن بەو زانیارییە هەواڵگرییانەی دەستیانکەوتووە، لە باشووری سەڵاحەدین بوونی باندێکیان پشتڕاستکردەوە کە بازرگانیان بە زێڕی ساختە و دراوی بیانی ساختەوە کردووە.
ئاماژەی
بەوەش کردووە، لە هەڵمەتێکی هێزەکانیاندا توانیان ئەو باندە دەستگیربکەن کە لە
چوار کەس پێکهاتبوون لەگەڵ شەش کیلۆگرام زێڕی ساختە و بڕێک دراوی بیانی ساختە.
ئەوەشی
خستووەتە روو، تۆمەتباران و ئەو کەلوپەلانەی دەستیان بەسەردا گیراوە رەوانەی لایەنی
یاسایی کران بۆ گرتنەبەری رێوشوێنی پێویست بەرامبەریان.
