سەرۆک وەزیرانى عیراق رایگەیاند، ناردنى پارە بۆ هەرێمى کوردستان بەردەوامە و زۆربەى کێشەکانی نێوان بەغدا و هەرێم بەرەو چارەسەر دەڕۆن.
محەمەد شیاع سودانى، سەرۆک وەزیرانی عێراق، لە چاوپێکەوتنێکیدا لەگەڵ میدیا عەرەبییەکان باسى لەوەش کردووە، ئامانجێکیان داناوە کە دەبێت ئەو کێشانەى بە هەڵپەسێردراو لەنێوان بەغدا و هەرێم ناودەبرێن چارەسەر بکرێن.
سەرۆک وەزیرانى عێراق ئاماژەى بەوەش کرد، کێشەکانى نێوان هەرێم و بەغدا زیاتر
هونەرین نەک سیاسى، کێشە هونەرییەکانیش پەیوەندییان بە چەند شتێکەوە هەیە.
ئەوەشی خستە روو، دەستپێکردنەوەى هەناردەى نەوتى هەرێم پەیوەندی بە بڕگەیەکی
یاسای بودجەوە هەیە و پێویستە هەموار بکرێتەوە، بەوپێیەی ئەو بڕە پارەیەی کە وەک
تێچووى بەرهەمهێنانى نەوت لە بودجە دیاری کراوە، کەمترە لەو تێچووەى کە لە گرێبەستى
وەزارەتى سامانە سروشتییەکانى هەرێم و کۆمپانیاکانی نەوتدا هاتووە و ئەوانیش هەوڵی
دۆزینەوەى چارەسەر دەدەن بۆ کێشەکە.
ئەوەشى ئاشکرا کرد، بودجە لە دیاریکردنى ئەرکى بەغدا و هەرێم روونە و ناردنی
پارەش بۆ هەرێم بەردەوامە. وتیشی، "خواستێکى جددى هەیە لەلایەن هەموو لایەنەکانەوە
بۆ چارەسەرکردنى سەرجەم کێشە ئیداریی و تەکنیکیەکان".