ئاماژە بەوەش کراوە، تێکڕای داهاتی نانەوتی نۆ ترلیۆن و ٧٩٩ ملیار و ٤٧ ملیۆن و ٩٦٤ هەزار دینار بووە، لە تێکڕای بودجەی ساڵی رابردوو کە زیاتر بووە لە ١٣٥ ترلیۆن و ٦٨١ ملیار دینار.

باسی لەوەش کرد، داهاتی نەوتی کورتی هێناوە بەراورد بە ساڵی رابردوو بەرێژەی ١١.٤٪ بە تێکراش ١٢٥ ترلیۆن و ٨٨٢ ملیار و ٢١٨ ملیۆن و ٢٣٣ هەزار دینار بووە، لە کاتێکدا داهاتی نەوتیی ساڵی ٢٠٢٢ زیاتر بووە لە ١٥٢ ترلیۆن دینار.

ئەوەش لە کاتێکدایە، دوێنێ ئاژانسی هەواڵی عێراقی رایگەیاند، شاندێکی وەزارەتی دارایی عێراق بە سەرۆکایەتى تەیف سامی وەزیری دارایی لەگەڵ پسپۆڕانی سندوقی دراوی نێودەوڵەتی لە عەممانی پایتەختی ئوردن سەبارەت بە داهاتی عێراق و میکانیزمەکانی پێشکەوتنی لایەنی ئابووری وڵاتەکە تاوتوێی چەند بابەتێکی پەیوەندیداریان کردووە.

هاوکات پسپۆڕانی سندووقی دراوی نێودەوڵەتی رایانگەیاند، عێراق لە بواری بەرهەمهێنانی بەرهەمە نانەوتییەکاندا، گەشەسەندنی بەرچاوی بەخۆیەوە بینیوە و لە ئێستادا بە گشتی ئابووری عێراق لە گەشەسەندندایە بەرێژەی ٤.٥٪ کە ئەوەش بە پلەی دووەمی وڵاتانی عەرەبی دێت.

لەلایەکی تریشەوە بانکی ناوەندی عێراق رایگەیاند، عێراق رێژەی هەڵاوسان بە شێوەیەکی بەرچاو دابەزینی بەخۆیەوە بینیوە. دەشڵێت، "بەهۆی کەرتی تایبەتەوە لە عێراق ئابووری وڵاتەکە بەرەو هەمەجۆری سەرچاوەکانی پەیداکردنی داهات دەچێت کە بەرامبەرە بە ١٣١ ترلیۆن دینار".