AM:09:47:27/08/2025
2040 جار خوێندراوەتەوە
+
-
ژێدەرەک ژ حکومەتا دەم
بسەرڤەچووی بۆ ئێن ئاڕ تی راگەهاند، دێ بزاڤان کەین ئەڤرۆ ١٢٠ ملیار دیناران ژ
داهاتێ نەپەتڕۆلی رادەستی بەغدا بکەین بۆ وێیەکێ ل ئەینیێ یان شەمبیێ دەست ب
دابەشکرنا مووچەیی بهێتە کرن.
ئەڤرۆ چارشەمبی، ژێدەرەک ژ
حکومەتا دەم بسەرڤەچووی بۆ ئێن ئاڕ تی راگەهاند، دێ بزاڤا کەین هەر ئەڤرۆ ١٢٠
ملیار دینارێن داهاتێ ناڤخۆ بێخینە سەر هژمارا بانکی یا بەغدا ل بانکا ناڤەندی ل
هەولێرێ بۆ وێیەکێ سوبەهی پارەیێ مووچەیێ هەیڤا شەش ژ بەغدا بگەهیت.
گوت ژی، ئەگەر سوبەهی پارە
بگەهیت ئەینیێ یان شەمبیێ دێ دەست ب دابەشکرنا مووچەیێ هەیڤا شەش هێتە کرن و د
دەمێ سێ رۆژان دا دێ هەمی مووچە هێنە دان.
دەربارەی مووچەیێ هەیڤا
حەفت و هەشت ژێدەرەکێ گوت، لیستا مووچەیی هەیڤا حەفت ل بەغدا یە و لیستا هەیڤا
هەشت ژی دهێتە بەرهەڤکرن و ل حەفتیە داهاتی دێ شاندەک چیتە بەغدا تا کارێ لژنەیان
بۆ رێککەفتن دەربارەی داهاتێ نە پەتڕۆلی تا بگەهینە رێککەفتنا دەربارەی مووچەیێ
هەیڤا حەفت و هەشت.