PM:02:20:13/08/2025
1008 جار خوێندراوەتەوە
+
-
هەردوو فراکسیۆنێن نەوەی
نوێ ل پەرلەمانێ کوردستانێ و عێراقێ دبێژن، "دەمێ
پەیڤدارێ پۆلیسان گوتی شاسوار عەبدولواحید ژلایێ پۆلیسان ڤە هاتیە دەستەسەرکرن وی
بخۆ نەدزانی ل کیڤەیە"، دبێژن ژی، ژ روویێ یاسایی ب غیابی هاتیە حوکمدان.
ئەڤرۆ چارشەمبی، هەردوو فراکسیۆنێن
نەوەی نوێ ل پەرلەمانێ کوردستانێ و عێراقێ د کۆنگرەیەکێ رۆژنامەوانی دا چەند
نهێنیەک دەربارەی دەستەسەرکرنا شاسوار عبدولواحید، سەرۆکێ ڤەلڤینا نەوەی نوێ
ئاشکرا کرن.
گوت ژی، دەستەسەرکرنا
سەرۆکی ڤەلڤینا نەوەی نوێ د دەمەکی دایە کو بەرێ راگەهاندبوو، ئەگەر هەرێم
ئاریشەیا مووچەی چارەسەر نەکەت دێ هەلویستێن جددی هەبن.
بەحسا وێژی کر، تا نها
نزانن ل کیڤە هاتیە دەستەسەرکرن و نەئینایە دادگەهێ،هەروەسا ژ روویێ یاسایێ ڤە ب
غیابی هاتیە حوکومدان.
گوت ژی، "دەمێ
پەیڤدارێ پۆلیسان گوتی شاسوار عەبدولواحید ژلایێ پۆلیسان ڤە هاتیە دەستەسەرکرن وی
بخۆ نەدزانی ل کیڤەیە". هەروەسا چەند ئەندام پەرلەمانێن نەوەی نوێ ژی سەردانا
چەند بنکەیان کریە ل سلێمانیێ لێ هەمی بنکەهان راگەهاندیە کو نە لدەف وانە ئەڤەژی
ب خۆ دبیتە بەلگە کو دۆسیەکا سیاسی یە نەکو یاسایی، زێدەباری ڤێژی، جهێ پرسیارێ یە
بۆچی بەری شەش سالانە داخازا یاسایێ نەکریە و نها بجهدئینن.
ئەویەک ژی گوت، هندەک دادوەر لبن گڤاشتن و کارتێکەرێن حزبێ دانە،
هیڤیدارین دادوەران عەواد بەندەر ژبیر نەچیت.
پشتراست ژی کر، ب هەبوون و نەبوونا شاسوار عبدولواحید نەوەی نوێ دێ پشکداریا
هەلبژارتنان کەت.