PM:09:26:12/08/2025
1068 جار خوێندراوەتەوە
+
-
بۆ وێیەکی داکو دووبارەبوونا روویدانین نە خاستی دناڤبەرا یانەیێن دهۆک و زاخۆ دا رووینەدەن سەرۆکێن هەردوو یانەیان کۆمبوون و چەند بڕیارەکێن گرنگ هاتنەدان.
ئەڤرۆ سێشەمبی، ب بەرهەڤبوونا سەردار ئیسماعیل رێڤەبەرێ گشتیێ وەرزشا کوردستانێ و عەمار فەرهاد، سەرۆکێ یانەیا زاخۆ و عەبدولا جەلال، سەرۆکێ یانەیا دهۆک ل هەولێرێ کۆمبوون و چەند مژارێن گرنگ گۆتۆبێژکرن.
د کۆمبوونێ دا، سەرۆکێن هەردوو یانەیان داخازا هەلویستەکێ توندێ حکومەتا دەم بسەرڤەچوویا هەرێمێ دژی بڕیارێن فدراسیۆنا تەپاپێیا عێراقێ کر، داکو دا پشتەڤانیا سیاسی بۆ کێمکرن و لادانا سزایێن سەر هەردوو لایەنان هەبیت.
د خالەکا رێککەفتنێ دا هاتییە، د ئەڤرۆ پێدا نابیت هەردوو یانە یاریزانێن پێشەگەرێن ئێک بکڕن.
هەڤدەم، د خالەکا دییا رێککەفتنێ دا هاتییە دڤێت هەردوو یانە ب توندی پشتەڤانین خۆ ل دروستبوونا ئالۆزیان هایدار بکەن، داکو جارەکا دی روویدانێن هەڤئاوایێ بوری دروت نەبن.
ئەڤەژی ددەمەکی دایە، د چەندین وەرزێن بوریێن خولا نایابا عێراقێ دا شەڕ و ئالۆزی دناڤبەرا پشتەڤانێن هەردوو یانەیاندا دروستبوون و ژبلی زیان گەهاندێ ب یاریگەهان هەردوو یانە ژلایێ فدراسیۆنا تەپاپێیا عێراقێ روویبروی سزایێن مادی و نە بەرهەڤبوونا پەشتەڤانان دبوون بۆ دەمێ چەندین یاریان.