PM:12:12:03/08/2025
304 جار خوێندراوەتەوە
+
-
١١ سال بسەر جینۆسایدا
ئێزیدیان دا دەربازبوون، فراکسیۆنا نەوەی نوێ د وێ دەربارێ دا دبێژیت، ئێزدی ژلایێ
پارتی و یەکێتی ڤە ب ئاوایەکێ نە بەرپرسیارانە مامەلە دگەل دا هاتیە کرن، دبێژن
ژی، وەکی نەوەی نوێ ل پەرلەمانێ عێراقێ پرۆژە یاسایا ب جینۆساید ناساندنا ئێزدیان
بەرهەڤکریە و د بزاڤان دانە ب هەڤکاریا هند فراکسیۆنێن دی، ب رێکا دەربازکرنا وێ پرۆژە
یاسایێ ل پەرلەمانێ عێراقێ، دەرگەهی بۆ قەرەبووکرنا ئێزدیان ڤەکەن.
ئەڤرۆ ئێکشەمبی، د سال رۆژا جینۆسایدا ئێزدیان دا،
فراکسیۆنا نەوەی نوێ ل پەرلەمانێ عێراقێ دبێژیت، د ١١ سالێن دەربازبووی دا، ئێزدیان
نەک هەر قەرەبوویا وێ جینۆسایدێ بۆ نەهاتیە کرن، بەلکو ژلایێ پارتی و یەکێتی ڤە ب
ئاوایەکێ نەبەرپرسیارانە مامەلە دگەل هاتیە کرن.
ئاماژە ب وێیەکێ ژیکر، دەربارێ
ئاڤەدانکرنا شنگالێ و دەستەبەرکرنا هەمی خزمەتگوزاریان بۆ ژیانکرنەکا ژ هەژی دناڤ
شنگالێ دا و رێزگرتن ژ قوربانیدانا ئێزدیان و ب رێز ڤە ڤەگەریانا ئاوارەیێن ناڤ کەمپان
بۆ سەر مال و حالێن خۆ و کارکرنا جددی دناڤ عێراقێ و جیهانێ دا لسەر ب جینۆساید
ناساندنا ئێزدیان، کارێن جددی لسەر خێر و بێرێن شنگالێ و تێکهەلکرنا وێ کەیسێ ب
هەڤڕکیێن سیاسی.
هەڤدەم، فراکسیۆنا نەوەی
نوێ ل پەرلەمانێ عێراقێ پرۆژە یاسایا ب جینۆساید ناساندنا ئێزدیان بەرهەڤکریە و ب
هەمی شیانا خۆ د بزاڤان دانە کو ب هەڤکاریا هند فراکسیۆنێن دی، ب رێکا دەربازکرنا
وێ پرۆژە یاسایێ ل پەرلەمانێ عێراقێ، دەرگەهی بۆ قەرەبووکرنا ئێزدیان ڤەکەن و د
پاشەرۆژێ ژی دا ببیتە رێگر ژ دووبارە بوونا کارەساتەکا ب وی ئاوایی.
ل داویێ ژی دا دبێژن،
ئەو وەک نەوەی نوێ ب نێرینا وان وەسایە کو شنگال دڤێت بۆ شنگالیان بیت و وەک وەفایەک
ژی بۆ وان هەمی قوربانیدانێن ئێزدیان ژ رویبروویبوونا تیرۆرێ دا دڤێت شنگال بهێتە
ئاڤاکرن و خزمەتا وێ بهێتە کرن، ژبەر کو ئێزدیان ژبلی وان هەمی قوربانیێن داین،
رۆل و پێگەهـ د دیرۆکا خەباتا گەلێ کورد دا دژی دیکتاتۆریەتێ رۆل و پێگەهەکێ سەر
بلندە و هەر دەم ل لایێ حەقیێ و دژی زۆلم و زۆرداریێ بوون، نها ژی ئەرکێ مە
هەمیانە دگەل ئێزدیان بین و دژی وێ زولمێ بین کو ل وان و شنگالێ دکەن.
جهێ ئاماژێ یە، ٣ـێ ٨ی
٢٠١٤ـێ ئەو رۆژەیە کو جڤاکێ ئێزدیان چجاران ژبیر ناکەن، ژبەر کو داعشێ هێرشکرە سەر
وان و هژمارەکا زۆر یا ژن و زارۆک و هەمی ژیێن جودا بێ سەروجهـ کرن، هێشتا برینێن وێ
رۆژێ د دلێ ئێزدیان دا ساخ نەبووینە و چارەنڤیسێ پڕانیا کەس و کارێن وان نەدیارە.